زیارت کر چکی بیدار خوابی یارسولؐ اللہ
مری اندر کی آنکھیں ہیں صحابی یا رسولؐ اللہ
Ziyarat kar chuki bedar khwabi ya Rasoolؐ Allah
Meri andar ki aankhein hain sahabi ya Rasoolؐ Allah
روانہ خود تلاشی کی مہم پر کیجئے ہم کو
ہم اپنی چاہتے ہیں بازیابی یا رسولؐ اللہ
Rawana khud talashi ki muhim par kijiye hum ko
Hum apni chahte hain baziyabi ya Rasoolؐ Allah
ہمارے حجرہء عرفاں پہ تالا کس نے ڈالا ہے
عطا ہو جائے اس تالے کی چابی یارسولؐ اللہ
Hamare hujra-e-arfa'n pe tala kis ne dala hai
Ata ho jaye is talay ki chaabi ya Rasoolؐ Allah
ہماری آہٹیں بھی اپنے رستے پر لگا دیجے
ہوں ہم بھی آپؐ جیسے انقلابی یارسولؐ اللہ
Hamari aahatain bhi apne raste par laga dije
Hon hum bhi aapؐ jaise inquilaabi ya Rasoolؐ Allah
درودوں اور دعاؤں کا جواب اب تک نہیں آیا
لفافے سارے بھیجے ہیں جوابی یا رسولؐ اللہ
Daroodon aur duaaon ka jawab ab tak nahi aaya
Lifaafay sare bheje hain jawabi ya Rasoolؐ Allah
شبِ تنہائی میں جب آپ کو آواز دیتا ہوں
چھڑائے خوں رگوں میں ماہتابی یارسولؐ اللہ
Shab-e-tanhai mein jab aap ko awaaz deta hoon
Chhurae khoon ragon mein mahtabi ya Rasoolؐ Allah
کوئی خوبی نظر آتی نہیں کردار میں اپنے
یہی بس ایک ہے مجھ میں خرابی یارسولؐ اللہ
Koi khoobi nazar aati nahi kirdaar mein apne
Yehi bas ek hai mujh mein kharabi ya Rasoolؐ Allah
مظفر کی رگوں میں خون تو بوبکر کا دوڑے
دماغ اس کا مگر ہے بو تُرابی یارسولؐ اللہ
Muzaffar ki ragon mein khoon tou Boobakr ka dore
Dimagh us ka magar hai Bu Turabi ya Rasoolؐ Allah
Share This Naat
Share with friends and family
زیارت کر چکی بیدار خوابی یارسولؐ اللہ
مظفر وارثی