کچھ آسرے کسب فیض کے ہیں، کچھ آئنے کشف نور کے ہیں
عجب سلیقے شہ زماں کے ، عجب قرینے حضور ﷺ کے ہیں
Kuch asray kasb-e-fayz ke hain, kuch aaine kashf-e-noor ke hain
Ajab saliqe shah-e-zama ke, ajab qareene huzur ﷺ ke hain
حرا سے کرنوں کی جگمگاہٹ ہمارے دل تک پہنچ رہی ہے
یہ گھڑیاں پل پل مسرتوں کی ، یہ لمحے پیہم سرور کے ہیں
Hira se kirno ki jagmagahat hamare dil tak puhanch rahi hai
Ye ghariyaan pal pal musarraton ki, ye lamhe paiham suroor ke hain
میں دل میں جھانکوں تو دیکھتا ہوں جھلک ترے روضہ حسیں کی
که فاصلے جو نگاہ میں ہیں ، مغالطے نزد و دور کے ہیں
Main dil mein jhankun to dekhta hun jhalak tare rawza haseen ki
Ke faasle jo nigah mein hain, maghalate nazd o door ke hain
حبیب مولائے کل کے اعجاز و فقر و جود و سخا کے آگے
جو ریزہ ریزہ بکھر رہے ہیں صنم ، متاع غرور کے ہیں
Habib maula-e-kul ke aijaz o faqr o jood o sakha ke aage
Jo rezah rezah bikhar rahe hain sanam, mata-e-garoor ke hain
مرے نبی کی نظر مکمل جمال یزداں میں منہمک ہے
مقام سدرہ کی وسعتوں میں کہاں حجابات طور کے ہیں
Mere nabi ki nazar mukammal jamal-e-yazdan mein munhamik hai
Maqam-e-sidra ki wus'aton mein kahan hijabat tor ke hain
خدا سے بندے کی قربتوں میں کوئی مزاحم نہیں ہے اصغر
جو اٹھ رہے ہیں گماں کے پردے یہ سب کرشمے حضور ﷺ کے ہیں
Khuda se banday ki qurbaton mein koi muzahim nahi hai Asghar
Jo utth rahe hain guman ke parde ye sab karishme huzur ﷺ ke hain
Share This Naat
Share with friends and family
کچھ آسرے کسب فیض کے ہیں، کچھ آئنے کشف نور کے ہیں
نامعلوم