ذرّے بھی اس کو دیدہء بینا کی روشنی
ہاتھ آئے جس کو خاک کفِ پا کی روشنی
Zarry bhi is ko deedah-e beena ki roshni
Hath aaye jisko khaak-e kaf-e pa ki roshni
آنکھیں بچھا رہے ہیں مہ و برق و آفتاب
کیسے بیان ہو مرے آقا کی روشنی
Aankhen bicha rahe hain mah o barq o aafataab
Kaise bayan ho mere aaqa ki roshni
عرش بریں پہ جلوے کچھ ایسے بکھر گئے
اب تک ہے دن کا دل شبِ اسریٰ کی روشنی
Arsh bareen pe jalwey kuch aise bikhar gaye
Ab tak hai din ka dil shab-e asra ki roshni
صرف ایک شہر طیبہ ہی مرکز نہیں کوئی
جنّت میں بھی ہے گنبدِ خضریٰ کی روشنی
Sirf ek shehar tayyaba hi markaz nahi koi
Jannat mein bhi hai gunbad-e khazra ki roshni
کیسے نہ آپ نزع میں جلوے دکھائیں گے
بیمار کا تو حق ہے مسیحا کی روشنی
Kaise na aap naza mein jalwe dikhayenge
Beemar ka to haq hai maseeha ki roshni
اب تک خدا گواہ! پریشاں ہے چشمِ شوق
موسیٰ سے پوچھو منزلِ سینا کی روشنی
Ab tak khuda gawah! pareshan hai chashm-e shauq
Moosa se poochho manzil-e seena ki roshni
سایہ کسی کو کیسے نظر آئے آپ کا
سایہ ہے خود ہی محفلِ دنیا کی روشنی
Saaya kisi ko kaise nazar aaye aap ka
Saaya hai khud hi mehfil-e duniya ki roshni
تاریکیء لحد اُسے کیا چیز ہے صبؔیح
جس قلب میں ہو حسنِ سراپا کی روشنی
Tareeki-e lahd use kya cheez hai sabeeh
Jis qalb mein ho husn-e sarapa ki roshni
Share This Naat
Share with friends and family
ذرّے بھی اس کو دیدہء بینا کی روشنی
سید صبیح الدین صبیح رحمانی