ذرّے جھڑ کر تیری پیزاروں کے
تاجِ سر بنتے ہیں سیّاروں کے
Zarray jhadd kar teri peezaron ke
Taaj-e-sar bante hain sayaron ke
ہم سے چوروں پہ جو فرمائیں کرم
خلعتِ زر بنیں پشتاروں کے
Hum se choron pe jo farma'en karam
Khil'at-e-zar banen pushtaron ke
میرے آقا کا وہ در ہے جس پر
ماتھے گھِس جاتے ہیں سرداروں کے
Mere aaqa ka wo dar hai jis par
Mathay ghis jaate hain sardaron ke
میرے عیسیٰ تِرے صدقے جاؤں
طور بے طور ہیں بیماروں کے
Mere Isa tere sadqay ja'un
Toor bay toor hain beemaron ke
مجرمو! چشمِ تبسم رکھو
پھول بن جاتے ہیں انگاروں کے
Mujramo! chashm-e-tabassum rakho
Phool ban jaate hain angaaron ke
تیرے ابرو کے تصدق پیارے
بند کرّے ہیں گرفتاروں کے
Tere abroo ke tasaddaq pyare
Band karre hain giraftaron ke
جان و دل تیرے قدموں پر وارے
کیا نصیبے ہیں ترے یاروں کے
Jaan o dil tere qadamun par ware
Kya naseebay hain tere yaaron ke
صدق و عدل و کرم و ہمت میں
چار سو شُہرے ہیں اِن چاروں کے
Sadiq o adl o karam o himmat mein
Chaar so shuhre hain in chaaron ke
بہر تسلیم علی میداں میں
سرجھکے رہتے ہیں تلواروں کے
Behar tasleem Ali maidan mein
Sar jhukay rehtay hain talwaron ke
کیسے آقاؤں کا بندا ہوں رضؔا
بول بالے مِری سرکاروں کے
Kaise aaqa'on ka banda hoon Raza
Bol balay meri sarkaron ke
Share This Naat
Share with friends and family
ذرّے جھڑ کر تیری پیزاروں کے
نامعلوم