زمانہ نے زمانہ میں سخی ایسا کہیں دیکھا
لبوں پر جس کے سائل نے نہیں آتے نہیں دیکھا
Zamana ne zamana mein sakhi aisa kahin dekha
Labon par jis ke sa'il ne nahi aate nahi dekha
مصیبت میں جو کام آئے گنہگاروں کو بخشائے
وہ اِک فخرِ رُسل محبوبِ رَبّ الْعَالَمِیْں دیکھا
Musibat mein jo kaam aaye gunahgaron ko bakhshaye
Woh ik fakhr-e-rusul mehboob-e-Rabb Al-Alameen dekha
بنایا جس نے بگڑوں کو سنبھالا جس نے گرتوں کو
وہ ہی حَلَّالِ مشکل رَحْمَۃٌ لِّلْعَالَمِیْں دیکھا
Banaya jis ne bigrro'n ko sambhala jis ne girton ko
Woh hi Hal'lal-e-mushkil Rahmatul-lil-Alameen dekha
وہ ہادی جس نے دنیا کو خدا والا بنا ڈالا
دِلوں کو جس نے چمکایا عرب کا مہ جبیں دیکھا
Woh hadi jis ne duniya ko Khuda wala bana dala
Dilon ko jis ne chamakaya Arab ka mah jabeen dekha
بسے جو فرش پر اور عرش تک اس کی حکومت ہو
وہ سلطانِ جہاں طیبہ کا اِک ناقہ نشیں دیکھا
Base jo farsh par aur arsh tak us ki hukoomat ho
Woh Sultan-e-Jahan Tayba ka ik naka nasheen dekha
وہ آقا جو کہ خود کھائے کھجوریں اور غلامو ں کو
کھلائے نعمتیں دنیا کی کب ایسا کہیں دیکھا
Woh aaqa jo ke khud khaye khajooren aur ghulamon ko
Khilaye nematen duniya ki kab aisa kahin dekha
بھلا عالم سی شے مخفی رہے اس چشمِ حق بیں سے
کہ جس نے خالقِ عالم کو بے شک بالیقیں دیکھا
Bhala alam si shay makhfi rahe is chashm-e-Haq been se
Ke jis ne Khaliq-e-Alam ko beshak baliqeen dekha
مسلمانی کا دعویٰ اور پھر توہین سروَر کی
زمانہ نے زمانہ بھر میں کب ایسا لعیں دیکھا
Musulmani ka daawa aur phir tauheen sarwar ki
Zamana ne zamana bhar mein kab aisa laeen dekha
ہو لب پر اُمتی جس کے کہیں جب اَنبیا نفسی
دوعالم نے اُسے سالکؔ شَفِیعُ الْمُذْنِبِیْں دیکھا
Ho lab par ummati jis ke kahin jab ambiya nafsi
Doualam ne use salik Shafi'ul-Muznibeen dekha
Share This Naat
Share with friends and family
زمانہ نے زمانہ میں سخی ایسا کہیں دیکھا
مفتی احمد یار نعیمی