زیبِ فرشِ جہاں رسُولِ خُدا
زینتِ آسماں رسُولِ خُدا
Zeib-e-farsh-e-jahaan Rasool-e-Khuda
Zeenat-e-aasmaan Rasool-e-Khuda
بخشوائیں گے ایک دن سب کو
حامئ عاصیاں رسُولِ خُدا
Bakhshwaayenge aik din sab ko
Haami-e-aasiyaan Rasool-e-Khuda
بانئ لفظ کُن ہے ذات اُن کی
وجہِ کون و مکاں رسُولِ خُدا
Bani-e-lafz-e-kun hai zaat un ki
Wajah-e-kaun o makaan Rasool-e-Khuda
واقف رازِ ابتدا بھی ہیں
ختم پیغمبراں رسُولِ خُدا
Waakif raaz-e-ibtida bhi hain
Khatm peghumbaraan Rasool-e-Khuda
خالقِ دو جہاں بھی ہے راضی
ہیں اگر مہرباں رسُولِ خُدا
Khaaliq-e-do jahaan bhi hai raazi
Hain agar mehrabaan Rasool-e-Khuda
نور مہر و مہ کواکب کیا
سب میں جلوہ کناں رسُولِ خُدا
Noor mehr o meh kawaakib kya
Sab mein jalwah kunaan Rasool-e-Khuda
دیکھنا ہے یہ ہم کو اے بہزؔاد
کب بلائیں وہاں رسُولِ خُدا
Dekhna hai ye hum ko ae Bahezad
Kab bulaayen wahaan Rasool-e-Khuda
Share This Naat
Share with friends and family
زیبِ فرشِ جہاں رسُولِ خُدا
بہزاد لکھنوی