آپؐ کا اسمِ گرامی اِس قدر اچھا لگے
باغ میں سب سے حسیں جیسے شجر اچھا لگے
Aapؐ ka ism-e-grami iss qadar achha lage
Baagh mein sab se haseen jaise shajar achha lage
عرش کی جانب سفر ہو یا مدینے کی طرف
آپؐ کا عزمِ سفر اور ہم سفر اچھا لگے
Arsh ki janib safar ho ya Madine ki taraf
Aapؐ ka azm-e-safar aur hum safar achha lage
احترام اُن کا بجا اپنی جگہ لیکن مجھے
اپنے ماں اور باپ سے اپنا عمر اچھا لگے
Ehteram un ka baja apni jagah lekin mujhe
Apne maan aur baap se apna Umar achha lage
لے کے آتا ہے سماعت کے لیے تازہ مٹھاس
آپؐ کا ہر ایک حرفِ معتبر اچھا لگے
Le ke aata hai samaat ke liye taza mithaas
Aapؐ ka har aik harf-e-moatabar achha lage
جس کی باتوں میں ہو خوشبو آپؐ کے اصحاب کی
میرے دل کی دھڑکنوں کو وہ بشر اچھا لگے
Jis ki baaton mein ho khushboo aapؐ ke ashaab ki
Mere dil ki dhadknon ko wo bashar achha lage
قیصر و کسریٰ کے عالی شان محلوں سے مجھے
حیدر کرّار کا چھوٹا سا گھر اچھا لگے
Qaisar o Kisra ke aali shaan mehlon se mujhe
Haider Karrar ka chhota sa ghar achha lage
جس کو آتا ہو نہ کچھ پلکیں بچھانے کے سوا
آپؐ کے در کا مجھے وہ بے ہنر اچھا لگے
Jis ko aata ho na kuch palken bichhane ke siwa
Aapؐ ke dar ka mujhe wo be hunar achha lage
آپؐ کی جانب جو لے جائے مرے آقاؐ مجھے
روشنی میں ڈوبتا وہ رہ گزر اچھا لگے
Aapؐ ki janib jo le jaye mere Aaqaؐ mujhe
Roshni mein doobta wo rahguzar achha lage
ڈوب جاؤں اور پھر اُبھروں نہ سطح آب پر
میں سفینہ ہوں مگر مجھ کو بھنور اچھا لگے
Doob jaoon aur phir ubhroon na satah-e-aab par
Mein safeena hoon magar mujh ko bhanwar achha lage
Share This Naat
Share with friends and family
آپؐ کا اسمِ گرامی اِس قدر اچھا لگے
انجم نیازی