زبان صبحوں میں کھولوں یا کھولوں شاموں میں
ہے نام ایک ہی لب پر ہزار ناموں میں
Zuban subhon mein kholon ya kholon shamoon mein
Hai naam aik hi lab par hazaar namon mein
تمہارے نام سے بنتے ہیں کام، کیسے کہوں
’’ تمہاری یاد خلل ڈالتی ہے کاموں میں‘‘
Tumhare naam se bante hain kam, kaise kahon
''Tumhari yaad khalal dalti hai kamon mein''
تمہارے نام پہ سودا ہوا شہا! جن کا
وہی خریدے گئے سب سے مہنگے داموں میں
Tumhare naam pe sauda hua sheha! jin ka
Wohi khareede gaye sab se mehnge damon mein
بہت ہی اوج پہ قسمت تھی ان غلاموں کی
شرابِ عشق جو پیتے نظر کے جاموں میں
Bohat hi oojh pe qismat thi in ghulamon ki
Sharab-e-ishq jo peete nazar ke jamon mein
جو صبح و شام پہنچتے ہیں آپ کو آقا !
سلام ،میرا بھی شامل ہو ان سلاموں میں
Jo subh o sham pohanchte hain aap ko aaqa!
Salam, mera bhi shaamil ho in salamoon mein
شفیعِ حشر مری لاج حشر میں رکھنا
جلیل بھی ہے ترے بے عمل غلاموں میں
Shafi-e-hashr meri laaj hashr mein rakhna
Jaleel bhi hai tere be-amal ghulamon mein
Share This Naat
Share with friends and family
زبان صبحوں میں کھولوں
حافظ عبدالجلیل