زبانِ عشق سے شرحِ صفات پھر نہ ہوئی
تمام عمر کہی نعت، نعت پھر نہ ہوئی
Zuban-e-ishq se sharah-e-sifaat phir na hui
Tamam umr kahi naat, naat phir na hui
غریب فکر ہوں آقاؐ معاف کر دیجیے
جو بات کہہ نہ سکا تھا وہ بات پھر نہ ہوئی
Gharib fikr hoon aqa maaf kar dijiye
Jo baat keh na saka tha wo baat phir na hui
اسی لئے تو محمدؐ کی ناؤ میں بیٹھا
کسی بھنور کسی طوفاں سے مات پھر نہ ہوئی
Isi liye to Muhammad ki nao mein baitha
Kisi bhunwar kisi toofan se maat phir na hui
چلا حضورؐ کی آواز تھام کر جب سے
مفاہمت کسی لغزش کے ساتھ پھر نہ ہوئی
Chala huzur ki aawaaz thaam kar jab se
Mafahmat kisi laghzish ke saath phir na hui
کرم کی ایک نظر بن گئی نصیب مرا
غم زمانہ و فکر نجات پھر نہ ہوئی
Karam ki aik nazar ban gayi naseeb mera
Gham-e-zamana o fikr e nijaat phir na hui
حضور نے ہمیں شائستہء شعور کیا
تھی پہلے جتنی پریشاں حیات ٗ پھر نہ ہوئی
Huzur ne humein shaista e shuoor kiya
Thi pehle jitni pareshan hayat, phir na hui
کچھ اس طرح مرا خیر الورٰی طلوع ہوا
یقین و صدق کے آنگن میں رات پھر نہ ہوئی
Kuch is tarah mera khair-ul-wara taloo hua
Yaqeen o sidq ke aangan mein raat phir na hui
چڑھا تھا روپ جو سلطان حسن کے ہوتے
مظفّر اتنی حسیں کائنات پھر نہ ہوئی
Charha tha roop jo sultan e husn ke hote
Muzaffar itni haseen kaainat phir na hui
Share This Naat
Share with friends and family
زبانِ عشق سے شرحِ صفات پھر نہ ہوئی
مظفر وارثی