یوں منّور ہے یہ دل ، غارِ حرا ہو جیسے
اس کے اندر کوئی مہتاب رہا ہو جیسے
Yoon munawwir hai yeh dil, ghaar-e-Hira ho jaise
Is ke andar koi mahtaab raha ho jaise
گنبدِ سبز ہے یوں تازہ بتازہ ھر آن
ذہن میں کوئی نیا پھُول کھِلا ہو جیسے
Gunbad-e-sabz hai yoon taazah be-taazah har aan
Zehn mein koi naya phool khila ho jaise
دِل آوارہ کو بے ساختہ آیا ہے قرار
چند گھڑیاں تری صحبت میں رہا سو جیسے
Dil awaara ko be-saakhta aya hai qaraar
Chand ghariyaan teri sohbat mein raha ho jaise
تجھ سے اُلفت بھی ہے ، احساسِ ندامت بھی ہے
اپنا حق مجھ سے کوئی مانگ رہا ہو جیسے
Tujh se ulfat bhi hai, ehsas-e-nadamat bhi hai
Apna haq mujh se koi maang raha ho jaise
اپنی خواہش سے کوئی بات نہ مُنہ سے نکلی
تیرا فرمان ہی فرمانِ خُدا ہو جیسے
Apni khwahish se koi baat na munh se nikli
Tera farmaan hi farmaan-e-Khuda ho jaise
اتنے اوصاف کسی ایک بشر میں تو نہیں
تیری صورت میں مصوّر بھی چھُپا ہو جیسے
Itne oosaaf kisi ek bashar mein to nahi
Teri soorat mein musawwir bhi chhupa ho jaise
دیکھتا ہوں تجھے طائف میں تو چیخ اُٹھتا ہوں
میرے سینے میں کوئی تِیر چُبھا ہو جیسے
Dekhta hoon tujhe Taif mein to cheekh uthta hoon
Mere seene mein koi teer chubha ho jaise
سیکڑوں چاند لیے پھرتا ہے پیشانی میں
آسماں تیرے ہی کُوچے کا گدا ہو جیسے
Sikron chand liye phirta hai peshani mein
Aasmaan tere hi kooche ka gada ho jaise
اَن گنت صدیوں سے مصروفِ ثنا ہواعظؔم
اسی خاطر تمہیں تخلیق کیا ہو جیسے
An ginit sadiyon se masroof-e-sanaa ho aayazam
Isi khaatir tumhe takhleeq kiya ho jaise
Share This Naat
Share with friends and family
یوں منّور ہے یہ دل ، غارِ حرا ہو جیسے
محمد اعظم چشتی