یہ روز شب کیا ہے یہ خزاں یہ بہار کیا ہے
انہی سے پوچھو کہ حمدِ پروردگار کیا ہے
Yeh roz shab kya hai yeh khaza yeh bahar kya hai
Inhi se poochho keh hamd-e-parwardigar kya hai
ہر اک طرح کی حدود سےاُس کی ذات بالا
لکیر کیا ہے احاطہ کیا ہے حصار کیا ہے
Har ek tarah ki hudood se us ki zaat baala
Lakeer kya hai ihata kya hai hisar kya hai
شروع قرآں کیا ہے " الحمد" سے خدا نے
تو پھر سمجھ لو کہ اس سمندر کے پار کیا ہے
Shuru Qur'an kya hai "Al Hamd" se Khuda ne
To phir samajh lo keh is samandar ke paar kya hai
ہر ایک شے کائنات کی مدح گو ہے اسکی
پڑھو یہ تخلیق کیا ہے تخلیق کار کیا ہے
Har ek shay kainaat ki madhgoh hai uski
Padho yeh takhleeq kya hai takhleeq kar kya hai
یقینِ کامل ہے گر تمہیں اسکی قدرتوں پر
تو جان لو اضطراب کیا ہے قرار کیا ہے
Yaqeen-e-kaamil hai gar tumhein uski qudraton par
To jaan lo iztirab kya hai qarar kya hai
امید ٹوٹی سہارا ٹوٹا ارادے ٹوٹے
تو اور بے اختیاری و اختیار کیا ہے
Umeed tooti sahara toota irade toote
To aur be ikhtiyaari o ikhtiyaar kya hai
Share This Naat
Share with friends and family
یہ روز شب کیا ہے یہ خزاں
مظفر وارثی