میں اُس زمانے کا منتظر ہوں زمانہ جب بے مثال ہوگا
ہر ایک مسجد مدینہ ہوگی ہر اک مؤذّن بلال ہوگا
Main us zamane ka muntazir hoon zamana jab be-misal hoga
Har aik masjid Madina hogi har aik moazzin Bilal hoga
چمک اٹھے گر ضمیر اپنے جو ہو گئے ہم اسیر اپنے
ہر ایک آہٹ چراغ ہوگی ہر ایک سایہ ہلال ہوگا
Chamak uthay gar zameer apne jo ho gaye hum aseer apne
Har aik aahat charagh hogi har aik saya halal hoga
حضورؐ کے آئنے اٹھا کر چلے تو پہچانے جائیں گے ہم
سفارشِ عشقِ مصطفےٰؐ سے ہمارا باطن بحال ہوگا
Huzoorؐ ke aaine uthakar chale to pehchane jayenge hum
Sifarish e ishq-e-Mustafaؐ se hamara baatin bhal hoga
قرون اولیٰ سے رابطہ کر لیا جو اپنی ترقّیوں نے
محبتوں سے صداقتوں سے ہر آدمی مالا مال ہوگا
Quron e ula se rabta kar liya jo apni taraqqiyon ne
Mohabbatoin se sadaqatoin se har aadmi mala-mal hoga
جہاد کرنا ہے ہر گھڑی سے حساب لینا ہے ہے زندگی سے
منائیں گے جشنِ خیر اس دن بدی کا جب انتقال ہوگا
Jihad karna hai har ghari se hisab lena hai zindagi se
Manaenge jashn e khair us din badi ka jab inteqal hoga
چُنے گا جو راستے کے پتھر اُسے زمانہ کہے گا رہبر
کسی کو ٹھوکر لگی تو ہر میرِ کارواں سے سوال ہوگا
Chune ga jo raste ke pathar use zamana kahega rahbar
Kisi ko thokar lagi to har meer e karwan se sawal hoga
شریعتِ مصطفےٰؐ مظفر ہماری آئین ساز ہوگی
خدا کا قانون اپنا قانون بن گیا تو کمال ہوگا
Shariat e Mustafaؐ Muzzafar humari aien saaz hogi
Khuda ka qanoon apna qanoon ban gaya to kamal hoga
Share This Naat
Share with friends and family
میں اُس زمانے کا منتظر ہوں زمانہ جب بے مثال ہوگا
مظفر وارثی