یہ جہاں ہے مبرّا کہاں حمد سے
ذرّہ ذرّہ ہوا ضوفشاں حمد سے
Ye jahan hai mubarra kahan hamd se
Zarra zarra huwa zofashan hamd se
دشت و دریا یہ کوہ و دمن رنگ و بو
حمد سے یہ زمیں، آسماں حمد سے
Dasht o darya ye koh o daman rang o boo
Hamd se ye zameen, aasman hamd se
بند کوزے میں دریا کروں کس طرح
سارے عالم کی ہے داستاں حمد سے
Band koze mein darya karun kis tarah
Saray alam ki hai dastan hamd se
سب کا حامی و ناصر ہے ربِّ جہاں
ہر بشر کو مِلی ہے اماں حمد سے
Sab ka hami o nasir hai rabb-e-jahan
Har bashar ko mili hai aman hamd se
خوب یہ سلسلہ جاری ہے آج تک
امن کا ہے رواں، کارواں حمد سے
Khoob ye silsila jari hai aaj tak
Aman ka hai rawan, karwan hamd se
منزلِ حق سے کرتی ہے یہ آشنا
خوب ہوتا ہے حق بھی عیاں حمد سے
Manzil-e-haq se karti hai ye aashna
Khoob hota hai haq bhi ayaan hamd se
تاجِ عظمت مِلے، عزّت و مرتبہ
کچھ یہاں حمد سے، کچھ وہاں حمد سے
Taj-e-azmat mile, izzat o martaba
Kuch yahan hamd se, kuch wahan hamd se
رب کی تعریف سب سے بڑا ہے عمل
ہر عمل ہی ہوا کامراں حمد سے
Rabb ki tareef sab se bara hai amal
Har amal hi huwa kamraan hamd se
نا اُمیدی کو دل میں نہ آنے دیا
عزم ہیں میرے طاہرؔ! جواں حمد سے
Na umeedi ko dil mein na ane diya
Azm hain mere Tahir! jawan hamd se
Share This Naat
Share with friends and family
یہ جہاں ہے مبرّا کہاں حمد سے
طاہر سلطانی