سرجھکاہے ہاتھ اُٹھائے ہیں دُعا کے واسطے
یا خدا !حج کا شرف دے مصطفی کے واسطے
Sir jhuka hai hath uthae hain duaa ke wastay
Ya khuda! Haj ka sharaf de Mustafa ke wastay
مکے آ کر جھوم کر اللہ! کعبے کا طواف
میں کروں فرما کرم کُل انبیا کے واسطے
Makkay aa kar jhoom kar Allah! Kaabay ka tawaaf
Main karun farma karam kul anbiya ke wastay
استلامِ سنگ اسود کی سعادت دے مجھے
حضرتِ مولیٰ علی مشکل کشا کے واسطے
Istilam-e-Sang-e-Aswad ki saadat de mujhe
Hazrat-e-Moula Ali mushkil kusha ke wastay
میں لپٹ کر ملتزم سے خوب رو رو کر دُعا
تجھ سے مانگوں یاخدا خواجہ پیا کے واسطے
Main lipat kar Multazam se khoob ro ro kar duaa
Tujh se maangun ya khuda Khwaja piya ke wastay
رُو بقبلہ میں کھڑے ہو کر پیوں زم زم کے جام
یہ شرف بھی کر عطا کل اولیا کے واسطے
Ru ba Qibla main kharay ho kar piyun zam zam ke jaam
Yeh sharaf bhi kar ata kul auliya ke wastay
پھر منیٰ، عرفات و مزدلفہ کے جلوے دیکھ لوں
یاالٰہی !ہو کرم غوثُ الوریٰ کے واسطے
Phir Mina, Arafat o Muzdalifah ke jalwe dekh lun
Ya ilahi! Ho karam Ghous-ul-Wara ke wastay
حج مبرور اے خدا! سالِ رواں کر دے نصیب
یاالٰہی! اہل بیت مصطفی کے واسطے
Hajj-e-Mabroor ae Khuda! Saal-e-Rawaan kar de naseeb
Ya ilahi! Ahl-e-Bait Mustafa ke wastay
اب مدینے کی زیارت کی اجازت ہو عطا
چار یارانِ محمد مصطفی کے واسطے
Ab Madinay ki ziarat ki ijazat ho ata
Chaar Yaraan-e-Muhammad Mustafa ke wastay
سبز گنبد دیکھ کر آنکھیں ہوںٹھنڈی دل ہو خوش
شاد ہوں روح وجگر مولیٰ! ضیا کے واسطے
Sabz gunbad dekh kar aankhen hoon thandi dil ho khush
Shaad hoon rooh o jigar Moula! Ziya ke wastay
کاتب تقدیر! لکھ دے موت طیبہ میں مری
دے بقیعِ پاک بی بی فاطمہ کے واسطے
Katib-e-Taqdeer! Likh de maut Tayyibah mein meri
De Baqi’ e Pak Bibi Fatima ke wastay
گنبد خضرا کے سائے میںشہادت دے مجھے
اے مرے مولیٰ! شہید کربلا کے واسطے
Gunbad-e-Khizra ke saaye mein shahadat de mujhe
Ae mere Moula! Shaheed-e-Karbala ke wastay
وقت آخر جلوۂ محبوب کی خیرات دے
کلمہ پڑھتے پڑھتے نکلے دم رضا کے واسطے
Waqt-e-Aakhir jalwa-e-Mehboob ki khairat de
Kalma padhte padhte nikle dam Raza ke wastay
یاالٰہی! مغفرت عطارؔ کی کر بے حساب
بہر کعبہ، سبز گنبد کی ضیا کے واسطے
Ya ilahi! Maghfirat Attar ki kar bey hisaab
Behar Ka’bah, Sabz Gunbad ki Ziya ke wastay
Share This Naat
Share with friends and family
سرجھکاہے ہاتھ اُٹھائے ہیں دُعا کے واسطے
الیاس عطار قادری