کعبے کی رونق کعبے کا منظر ، اللہ اکبر، اللہ اکبر
دیکھوں تو دیکھے جاؤں برابر ، اللہ اکبر، اللہ اکبر
Kaabay ki ronaq kaabay ka manzar, Allahu Akbar, Allahu Akbar
Dekhoon to dekhe jaaon barabar, Allahu Akbar, Allahu Akbar
حیرت سے خود کو کبھی دیکھتا ہوں اور دیکھتا ہوں کبھی میں حرم کو
لایا کہاں مجھ کو میرا مقدر ، اللہ اکبر ، اللہ اکبر
Hairat se khud ko kabhi dekhta hoon aur dekhta hoon kabhi main haram ko
Laya kahaan mujh ko mera muqaddar, Allahu Akbar, Allahu Akbar
حمد خدا سے تر ہیں زبانیں ، کانوں میں رَس گھولتی ہیں اذانیں
بس اِک صدا آ رہی ہے برابر ، اللہ اکبر ، اللہ اکبر
Hamd khuda se tar hain zubaanay, kaanon mein ras gholti hain azaanay
Bas ek sada aa rahi hai barabar, Allahu Akbar, Allahu Akbar
قطرے کو جیسے سمیٹے سمندر ، مجھ کو سمیٹے مطاف اپنے اندر
جیسے سمیٹے آغوشِ مادر ، اللہ اکبر ، اللہ اکبر
Qatray ko jaise samete samundar, mujh ko samete mataaf apne andar
Jaise samete aaghosh-e-madar, Allahu Akbar, Allahu Akbar
مانگی ہیں میں نے جتنی دعائیں ، منظور ہوں گی مقبول ہوں گی
میزابِ رحمت ہے میرے سر پر ، اللہ اکبر ، اللہ اکبر
Maangi hain maine jitni duaaen, manzoor hon gi maqbool hon gi
Mezaab-e-rehmat hai mere sar par, Allahu Akbar, Allahu Akbar
یاد آگئیں جب اپنی خطائیں ، اشکوں میں ڈھلنے لگی التجائیں
رویا غلافِ کعبہ پکڑ کر، اللہ اکبر ، اللہ اکبر
Yaad aa gayeen jab apni khataayen, ashkon mein dhalnay lagi iltijaayen
Roya ghilaaf-e-kaaba pakad kar, Allahu Akbar, Allahu Akbar
اپنی عطا سے بلوا لیا ہے ، مجھ پر کرم میرے رب نے کیا ہے
پہنچا حطیم ِ کعبہ کے اندر ، اللہ اکبر اللہ اکبر
Apni ata se bulwa liya hai, mujh par karam mere Rab ne kiya hai
Pohcha hateem-e-kaaba ke andar, Allahu Akbar, Allahu Akbar
بھیجا ہے جنّت سے تجھ کو خدا نے ، چو ما ہے تجھ کو خود مصطفیٰ نے
اے سنگِ اسود تیرا مقدر ، اللہ اکبر ، اللہ اکبر
Bheja hai jannat se tujh ko khuda ne, chuma hai tujh ko khud Mustafa ne
Ae sang-e-aswad tera muqaddar, Allahu Akbar, Allahu Akbar
جس پر نبی کے قدم کو سجایا ، اپنی نشانی کہہ کر بتا یا
محفوظ رکھا رب نے وہ پتھر ، اللہ اکبر ، اللہ اکبر
Jis par Nabi ke qadam ko sajaya, apni nishani kehkar bataya
Mahfooz rakha Rab ne woh pathar, Allahu Akbar, Allahu Akbar
محشر میں ہو نہ مجھے پیاس کا ڈر، ہوں مہرباں مجھ پر ساقئ کوثر
رب سے دعا کی زم زم کو پی کر ، اللہ اکبر ، اللہ اکبر
Mahshar mein ho na mujhe pyaas ka dar, hoon meharbaan mujh par saaqi-e-kausar
Rab se dua ki zam zam ko pi kar, Allahu Akbar, Allahu Akbar
دیکھا صفا بھی مروہ بھی دیکھا ، رب کے کرم کا جلوہ بھی دیکھا
دیکھا رو اں اک سروں کا سمندر، اللہ اکبر ، اللہ اکبر
Dekha Safa bhi Marwa bhi dekha, Rab ke karam ka jalwa bhi dekha
Dekha rowaan ek suron ka samundar, Allahu Akbar, Allahu Akbar
کعبے کے او پر سے جاتے نہیں ہیں ، کس کو ادب یہ سکھاتے نہیں ہیں
کتنے مؤدّب ہیں یہ کبوتر ، اللہ اکبر ، اللہ اکبر
Kaabay ke o par se jaate nahin hain, kis ko adab yeh sikhate nahin hain
Kitne modab hain yeh kabootar, Allahu Akbar, Allahu Akbar
تیرے کرم کی کیا بات مولا، تیرے حرم کی کیا بات مولا
تا عمر کر دے آنا مقدر ، اللہ اکبر ، اللہ اکبر
Tere karam ki kya baat Moula, tere haram ki kya baat Moula
Taa umr kar de aana muqaddar, Allahu Akbar, Allahu Akbar
مولا صبیحؔ اور کیا چاتا ہے ، بس مغفرت کی عطا چاہتا ہے
بخشش کے طالب پہ اپنا کرم کر ، اللہ اکبر ، اللہ اکبر
Moula Sabih aur kya chahta hai, bas maghfirat ki ata chahta hai
Bakhshish ke taalib pe apna karam kar, Allahu Akbar, Allahu Akbar
Share This Naat
Share with friends and family
کعبے کی رونق کعبے کا منظر
سید صبیح الدین صبیح رحمانی