مالکِ ارض و سما فرمانِ راحت بھیج دے
آسمانوں سے زمیں پر اپنی برکت بھیج دے
Maalik-e arz o sama farmaan-e raahat bhej de
Aasmanoon se zameen par apni barkat bhej de
کثرتِ غم میں ذرا سا سُکھ، ادھوری سی خُوشی
آدمی دوزخ میں ہے تھوڑی سی جنّت بھیج دے
Kasrat-e gham mein zara sa sukh, adhoori si khushi
Aadmi dozakh mein hai thodi si jannat bhej de
اے خُدا بادل ترے قاصد، ہَوا تیری سفیر
تُو کِسی اچھّے سے موسم کی بشارت بھیج دے
Ae Khuda badal tere qaasid, hawa teri safeer
Tu kisi achhay se mausam ki bashaarat bhej de
چاند تیری مُسکراہٹ، کہکشاں آغوشِ وا
آدمی کے دل کی جانب یہ صداقت بھیج دے
Chaand teri muskurahat, kehkashaan aaghosh-e waa
Aadmi ke dil ki jaanib yeh sadaqat bhej de
اپنی صُبحوں کو صباحت بخشنے والے کریم
ہم پہ بھی اپنے اُجالوں کی سفارت بھیج دے
Apni subhoon ko sabaahat bakhshne wale Kareem
Hum pe bhi apne ujaalon ki safariyat bhej de
اب نہیں ہوگا، رسولانِ محبّت کا ظہور
کبریا اپنے رسُولوں کی محبّت بھیج دے
Ab nahi hoga, rasoolan-e mohabbat ka zahoor
Kabriya apne rasoolon ki mohabbat bhej de
ہم زبانِ بے صدا، ہم خامۂ بے نقش و رنگ
کوئی لفظ ارسال کر، کوئی عبارت بھیج دے
Hum zaban-e be sada, hum khaama-e be naqsh o rang
Koi lafz irsaal kar, koi ibaarat bhej de
جب کِسی ٹہنی پہ دھڑکے پھُول کا ننّھا سا دل
اُس گلِ نورس کو حکمِ استقامت بھیج دے
Jab kisi tehni pe dhadke phool ka nanna sa dil
Us gul-e noras ko hukum-e istiqamat bhej de
زخمِ دل پر ہاتھ رکھ کر زندگی جب مُسکرائے
اپنے سارے رنگ‘ اپنی سب لطافت بھیج دے
Zakhm-e dil par haath rakh kar zindagi jab muskuraye
Apne saare rang, apni sab latafat bhej de
Share This Naat
Share with friends and family
مالکِ ارض و سما فرمانِ راحت بھیج دے
عاصی کرنالی