مجھے بخش دے بے سبب یا الٰہی
نہ کرنا کبھی بھی غضب یاالٰہی
Mujhe bakhsh de be sabab ya ilahi
Na karna kabhi bhi ghazab ya ilahi
گناہوں نے ہائے! کہیں کا نہ چھوڑا
میں کب تک پھروں خوار اب یا الٰہی
Gunahon ne haye! Kahin ka na chhoda
Main kab tak phirun khwar ab ya ilahi
پئے شاہِ بطحا مِری چھوٹ جائیں
بُری عادتیں سب کی سب یاالٰہی
Pa'e Shah-e-Batha meri chhutt jayein
Buri adatien sab ki sab ya ilahi
بڑا حج پہ آنے کو جی چاہتا ہے
بُلاوا اب آ ئیگا کب یاالٰہی
Bara hajj pe aane ko ji chahta hai
Bulawa ab aayega kab ya ilahi
میں مکّے میں آؤں مدینے میں آؤں
بنا کوئی ایسا سبب یاالٰہی
Main Makke mein aaun Madine mein aaun
Bana koi aisa sabab ya ilahi
میں دیکھوں مدینے کا گلشن دکھا دے
تُو دَشت و جِبالِ عَرب یاالٰہی
Main dekhun Madine ka gulshan dikha de
Tu dasht o jibal-e-Arab ya ilahi
کرم ایسا کر دے مدینے میں آ کر
گزاروں میں پھر روز و شب یا الٰہی
Karam aisa kar de Madine mein aa kar
Guzarun main phir roz o shab ya ilahi
دکھا دے بہارِ مدینہ دکھا دے
پئے تاجدارِ عرب یاالٰہی
Dikha de bahar-e-Madina dikha de
Pa'e Tajdar-e-Arab ya ilahi
سلیقہ شِعاری کا میں ہوں بھکاری
مٹے خُوئے شَور و شَغَب یاالٰہی
Saleeqah Shi'ari ka main hoon bhikari
Mite khoo-e-shor o shaghb ya ilahi
ملے بیقراری کروں آہ وزاری
ترے خوف سے پیارے رب یا الٰہی
Mile beqarari karun aah o zari
Tere khauf se pyare Rab ya ilahi
کروں عالموں کی کبھی بھی نہ توہین
بنا دے مجھے باادب یاالٰہی
Karun alamon ki kabhi bhi na tauheen
Bana de mujhe baadab ya ilahi
حُسین ابنِ حیدر کے صدقے میں مولٰی
ٹلیں آفتیں میری سب یاالٰہی
Hussain Ibn-e-Haider ke sadqe mein Maula
Talein aaftein meri sab ya ilahi
زمانے کی فکروں سے آزاد کر دے
مٹا غم عطا کر طَرَب یاالٰہی
Zamane ki fikron se azaad kar de
Mita gham ata kar tarab ya ilahi
جو مانگا وہ دے مجھ کو وہ بھی عطا کر
نہیں کر سکا جو طَلب یاالٰہی
Jo maanga woh de mujh ko woh bhi ata kar
Nahi kar saka jo talab ya ilahi
مسلماں مسلمان کے خوں کا پیاسا
ہوا وقت آیا عجب یاالٰہی
Muslimaan Musalmaan ke khoon ka pyaasa
Hua waqt aaya ajab ya ilahi
سبھی ایک ہو جائیں ایمان والے
پئے شاہِ عالی نَسب یاالٰہی
Sabhi ek ho jayein iman wale
Pa'e Shah-e-aali nasab ya ilahi
کبھی تو مجھے خواب میں میرے مولٰی
ہو دیدارِ ماہِ عَرب یاالٰہی
Kabhi to mujhe khwab mein mere Maula
Ho deedaar-e-Mah-e-Arab ya ilahi
خدایا بُرے خاتمے سے بچا لے
گنہگار ہے جاں بَلب یاالٰہی
Khudaya bure khatime se bacha le
Gunahgaar hai jaan balb ya ilahi
نظر میں محمد کے جلوے بسے ہوں
چلوں اِس جہاں سے میں جب یاالٰہی
Nazar mein Muhammad ke jalwe base hoon
Chalun is jahan se main jab ya ilahi
پسِ مَرگ ہو روزِ روشن کی مانَند
مِری قبر کی تِیرہ شب یاالٰہی
Pas-e-marg ho roz-e-roshan ki manind
Meri qabar ki teerah shab ya ilahi
گناہوں سے عطّارؔ کو دے مُعافی
کرم ہو، نہ کرنا غَضب یا الٰہی
Gunahon se Attar ko de muafi
Karam ho, na karna ghazab ya ilahi
Share This Naat
Share with friends and family
مجھے بخش دے بے سبب یا الٰہی
الیاس عطار قادری