صفاتِ رحمٰن کا ترانہ ہے قل ھو اللہ
تہائی قرآن کا خزانہ ہے قل ھو اللہ
Sifaat-e-Rehmaan ka tarana hai Qul Huwa Allah
Tehai Qur'an ka khazana hai Qul Huwa Allah
تمام توحید ہے رسالت ہے آخرت ہے
ہر ایک منزل ہر ایک زمانہ ہے قل ھو اللہ
Tamam tauheed hai risalat hai aakhriat hai
Har aik manzil har aik zamana hai Qul Huwa Allah
غلط نہیں ہے جو اس کو قرآں کی آنکھ کہیئے
جمالِ رب کا نگار خانہ ہے قل ھو اللہ
Ghalat nahi hai jo is ko quran ki ankh kahiye
Jamal-e-Rab ka nigar khana hai Qul Huwa Allah
بنائے ارض و سما ہے رکھی ہوئی اسی پر
حیات انساں کا آب و دانہ ہے قل ھو اللہ
Bana'e arz o sama hai rakhi hui isi par
Hayaat insaan ka aab o dana hai Qul Huwa Allah
نزول اس کا فلک سے دو مرتبہ ہوا تھا
شعور کی عید کا دوگانہ ہے قل ھو اللہ
Nuzool is ka falak se do martaba hua tha
Shaoor ki eid ka do gana hai Qul Huwa Allah
جمال بھی ہے امان بھی نور و معرفت بھی
خدا کے عرفان کا بہانہ ہے قل ھو اللہ
Jamal bhi hai aman bhi noor o maarfat bhi
Khuda ke arfan ka bahana hai Qul Huwa Allah
پکاری جاتی ہے بیس ناموں سے یہ اکیلی
یقیناً اک سورۂ یگانہ ہے قل ھو اللہ
Pukari jati hai bees namo se yeh akeli
Yaqeenan ek sura-e-yagana hai Qul Huwa Allah
بلال جس سے ہر اک ستم کا جواب دیتے
احد احد کا وہ شادیانہ ہے قل ھو اللہ
Bilaal jis se har ak sitam ka jawab dete
Ahad Ahad ka woh shadiana hai Qul Huwa Allah
عذابِ قبر و عذابِ دوزخ سے یہ بچائے
ہر ایک برات کا آشیانہ ہے قل ھو اللہ
Azaab-e-qabr o azaab-e-dozakh se yeh bachae
Har aik barat ka ashyana hai Qul Huwa Allah
نسب اگر جاننا ہو خلاقِ دو جہاں کا
تو اس کی تشریحِ منصفانہ ہے قل ھو اللہ
Nasab agar jan'na ho Khalaq-e-do jahan ka
To is ki tashreeh-e-munsifana hai Qul Huwa Allah
پڑھوں مظفؔر میں ایک تسبیح روز اس کی
ذریعہء قربِ والہانہ ہے قل ھو اللہ
Parhon Muzaffar main ek tasbih roz is ki
Zariya-e-qurb-e-walahana hai Qul Huwa Allah
Share This Naat
Share with friends and family
صفاتِ رحمٰن کا ترانہ ہے قل ھو اللہ
مظفر وارثی