یانبیؐ صلِ علیٰ صلِ علیٰ کہتے رہو
بعدِ حمدِ رب یہی صبح و مسا کہتے رہو
Ya Nabi ﷺ sal-e ala sal-e ala kehte raho
Baad-e hamd-e Rab yehi subah o masa kehte raho
ہے غلامیِ رسولِ پاکؐ کا دعویٰ اگر
دشمنِ سرور کو دشمن برملا کہتے رہو
Hai ghulami-e Rasool-e Paak ﷺ ka dawa agar
Dushman-e Sarwar ko dushman baramla kehte raho
عاقبت ہوگی نہ بہتر حُبِ سرور کے بغیر
خود کو چاہے جس قدر بھی پارسا کہتے رہو
Aaqibat hogi na behtar hub-e Sarwar ke baghair
Khud ko chahe jis qadar bhi parsaa kehte raho
جو بھی گستاخِ نبیؐ ہیں ان پہ بے خوف و خطر
لعنتیں بھیجو مسلسل اور بُرا کہتے رہو
Jo bhi gustakh-e Nabi ﷺ hain un pe be khauf o khatar
La'natein bhejo musalsal aur bura kehte raho
گر نبیؐ راضی نہیں ممکن نہیں رب کی رضا
التجا کرتے رہو یا مدّعا کہتے رہو
Gar Nabi ﷺ raazi nahi mumkin nahi Rab ki raza
Iltaja karte raho ya mad'uaa kehte raho
فضلِ رب سے مشکلیں آسان ہوتی جائیں گی
مصطفیٰؐ یا مصطفیٰؐ یا مصطفیٰؐ کہتے رہو
Fazl-e Rab se mushkilein aasaan hoti jaayein gi
Mustafa ﷺ ya Mustafa ﷺ ya Mustafa ﷺ kehte raho
پار بیڑہ ہو نہیں سکتا بغیرِ حکمِ رب
چاہے جتنا المدد یا ناخدا کہتے رہو
Par berah ho nahi sakta baghair-e hukum-e Rab
Chahe jitna al madad ya naakhuda kehte raho
جشنِ میلادِ پیمبر ہم منائیں گے سدا
ناروا کہنا ہے تم کو ناروا کہتے رہو
Jashn-e Meelad-e Paember hum manaayein ge sada
Narawa kehna hai tum ko narawa kehte raho
شہ کا اسوہ چھوڑ کے ہوگے نہ احسؔن کامراں
لاکھ خود کو تم غلامِ مصطفیٰؐ کہتے رہو
Shah ka uswa chorh ke hoge na Ahsaؔn kamraan
Laakh khud ko tum ghulam-e Mustafa ﷺ kehte raho
Share This Naat
Share with friends and family
یانبیؐ صلِ علیٰ صلِ علیٰ کہتے رہو
احسن اعظمی