یاخدا! حج پہ بُلا آکے میں کعبہ دیکھوں
کاش! اِکبار میں پھر میٹھا مدینہ دیکھوں
Yaa Khuda! Haj pe bula aake mein Kaaba dekhun
Kaash! Ik baar mein phir meetha Madina dekhun
پھرمُیَسَّر ہومجھے کاش! وُقوفِ عَرفات
جلوہ میں مُزدَلِفہ اور مِنیٰ کادیکھوں
Phir muyassar ho mujhe kaash! wuqoof-e-Arafat
Jalwa mein Muzdalifah aur Mina ka dekhun
جھوم کر خوب کروں خانۂ کعبہ کا طواف
پھر مدینے کو چلوں گُنبدِ خَضْرا دیکھوں
Jhoom kar khoob karun Khanah-e-Kaaba ka tawaaf
Phir Madinay ko chalun Gunbad-e-Khazra dekhun
سبز گنبد کا حسیں جلوہ دکھا دے یارب!
مسجِد نبوی کا پُر نور مَنارہ دیکھوں
Sabz gunbad ka haseen jalwa dikha de Ya Rab!
Masjid-e-Nabawi ka pur-noor manarah dekhun
رَوضۂ پاک کے سائے میں بلا کر آقا
آنکھ دے دیجئے میں آپ کا جلوہ دیکھوں
Rawzah-e-Paak ke saaye mein bula kar Aaqa
Aankh de dijiye mein aap ka jalwa dekhun
چوم لوں کاش! نگاھوں سے سُنَہری جالی
اشکبار آنکھ سے مِنبر کابھی جلوہ دیکھوں
Choom lun kaash! Nigahon se sunehri jali
Ashkbaar aankh se minbar ka bhi jalwa dekhun
کاش! وہ آنکھ عطا ہو میں مدینے آ کر
جس طرف جاؤں اُدھر نور برستا دیکھوں
Kaash! woh aankh 'ata ho mein Madinay aa kar
Jis taraf jaaun udhar noor barasta dekhun
جامِ عِشق ایسا پِلا دیجئے جانِ عالم
ہر گھڑی آہیں بھروں خود کو تڑپتا دیکھوں
Jaam-e-ishq aisa pila dijiye jaan-e-aalam
Har ghari aahen bharun khud ko tadapta dekhun
چشمِ تر سوزِ جگر دیجئے قلبِ مُضْطَر
عِشْق میں روتا رہوں جب بھی میں روضہ دیکھوں
Chashm-e-tar sooz-e-jigar dijiye qalb-e-muztar
Ishq mein rota rahun jab bhi mein rawzah dekhun
سوزِشِ عشق میں جلتا ہی رہوں میں ہر دم
آنکھ سے غم میں ترے خون برستا دیکھوں
Soze ishq mein jalta hi rahun mein har dam
Aankh se gham mein tere khoon barasta dekhun
اُس پہ رَشک آتا ہے اور پیاربَہُت آتا ہے
عشق میں تیرے جسے روتا بِلکتا دیکھوں
Us pe rashk aata hai aur pyaar bahut aata hai
Ishq mein tere jise rota bilakta dekhun
کاش! میں رونے لگوں قلب بھی ہو میرا اُداس
جب مدینے کی طرف قافِلہ جاتا دیکھوں
Kaash! mein rone lagun qalb bhi ho mera udaas
Jab Madinay ki taraf qaafilah jaata dekhun
زائرو! کہنا یہ رو رو کے شہا! اِک مسکین
کہہ رہا تھا یہ تڑپ کر:’’میں مدینہ دیکھوں ‘‘
Zaairo! kehna yeh ro ro ke shahaa! ik maskeen
Keh raha tha yeh tadap kar: "mein Madina dekhun"
تُو جو چاہے تومِری آنکھ سے پردے اُٹّھیں
میں وطن سے بھی مدینے کا نظارہ دیکھوں
Too jo chahe to meri aankh se parde uthhain
Mein watan se bhi Madinay ka nazara dekhun
وہ کھلاتے ہیں پِلاتے ہیں نبھاتے بھی ہیں
کیوں کہیں جاؤں کسی اور طرف کیا دیکھوں
Woh khilate hain pilaate hain nibhaate bhi hain
Kyoon kahin jaaun kisi aur taraf kya dekhun
اپنی رَحمت سے مجھے کر دو عطا ایسی بہار
منہ کبھی بھی نہ خَزاں کا مِرے آقادیکھوں
Apni rehamat se mujhe kar do ata aisi bahaar
Munh kabhi bhi na khazan ka mere Aaqa dekhun
تیرے اِحسان کروڑوں ہیں ہو یہ بھی اِحساں
یا خدا نَزْع میں جلوہ میں نبی کا دیکھوں
Tere ihsaan karoron hain ho yeh bhi ihsaan
Yaa Khuda naza mein jalwa mein Nabi ka dekhun
باغِ جنّت میں جَوار اپنا عطا فرما دو
خُلد میں ہر گھڑی جلوہ میں تمہارا دیکھوں
Bagh-e-jannat mein jawaaar apna ata farma do
Khuld mein har ghari jalwa mein tumhara dekhun
دوڑ کر قدموں میں عطارؔ گروں میں اُس دم
حَشر میں جس گھڑی سرکار کو آتا دیکھوں
Daur kar qadmon mein Atar girun mein us dam
Hashar mein jis ghari Sarkar ko aata dekhun
Share This Naat
Share with friends and family
یاخدا! حج پہ بُلا آکے میں کعبہ دیکھوں
الیاس عطار قادری