ساری تنویروں کی تنویر خداوندِ کریم
تیری عظمت تِری توقیر خداوندِ کریم
Saari tanweeron ki tanweer Khawand-e-Kareem
Teri azmat teri tauqeer Khawand-e-Kareem
آنسوئوں کی مِرے زنجیر خداوندِ کریم
کردے رحمت سے بغل گیر خداوندِ کریم
Aansoo'on ki merey zanjeer Khawand-e-Kareem
Karday rehmat se bagal geer Khawand-e-Kareem
شہد و زیتون سی نعمت سے نوازا تو نے
تو نے بخشے ہمیں انجیر خداوندِ کریم
Shehd o zaitoon si naimat se nawaza tu ne
Tu ne bakshe humein anjeer Khawand-e-Kareem
مجھ سے نا اہل و گنہگار سے ممکن ہی نہیں
حمد تیری تِری توقیر خداوندِ کریم
Mujh se na ahl o gunahgar se mumkin hi nahi
Hamd teri teri tauqeer Khawand-e-Kareem
نیکیوں کا ہمیں دے دیتا ہے بدلہ فوراً
تو نہیں کرتا ہے تاخیر خداوندِ کریم
Nekiyon ka humein day deta hai badla foran
Tu nahi karta hai taakhair Khawand-e-Kareem
تیرے محبوب کی عظمت پہ اگر آنچ آئے
میرے ہاتھوں میں ہو شمشیر خداوندِ کریم
Tere mehboob ki azmat pe agar aanch aaye
Mere haathon mein ho shamsheer Khawand-e-Kareem
دیکھ کر رحمتِ عالم کا وسیلہ آئی
وجد کرتی ہوئی تاثیر خداوندِ کریم
Dekh kar rehmat-e-alam ka waseela aayi
Wajad karti hui taseer Khawand-e-Kareem
مجھ کو جنت بھی عطا کرنا تو ایسی جنت
ہوں جہاں ساتھ مِرے پیر خداوندِ کریم
Mujh ko jannat bhi ata karna tu aisi jannat
Hoon jahan sath mere peer Khawand-e-Kareem
پھر مدینے کو پہنچ جائے شفیقِؔ عاصی
پھر چمک اُٹھے یہ تقدیر خداوندِ کریم
Phir Madinay ko pohanch jaye Shafeeq-e-Asi
Phir chamak uthey yeh taqdeer Khawand-e-Kareem
Share This Naat
Share with friends and family
ساری تنویروں کی تنویر خداوندِ کریم
شفیق ؔ رائے پوری