وہی جو مظہرِ ذاتِ خدا ہے
دوعالم میں اسی کا غَلغلہ ہے
Wohi jo mazhar-e-zaat-e-Khuda hai
Do Alam mein usi ka ghalghala hai
وہی عالم کی وجہِ ابتدا ہے
نبوّت کا وہ حرفِ انتہا ہے
Wohi aalam ki wajah-e-ibtida hai
Nubuwat ka woh harf-e-intiha hai
جمال و حسن کا وہ آئینہ ہے
کہ جس کا نام احمد مصطفیٰ ہے
Jamal o husn ka woh aaina hai
Ke jis ka naam Ahmed Mustafa hai
شبِ اسریٰ سے یہ عقدہ کھُلا ہے
یہ گردوں زیرِ پائے مصطفیٰ ہے
Shab-e-Isra se yeh uqda khula hai
Yeh gardoon zer-e-paye Mustafa hai
مدینہ مرکزِ انوارِ یزداں
مدینہ مسکنِ خیر الوریٰ ہے
Madinah markaz-e-anwaar-e-Yazdan
Madinah maskan-e-khair al-wara hai
نبی کی نعت گوئی کی بدولت
جہاں بھر میں مرا چرچا ہوا ہے
Nabi ki naat goyi ki badolat
Jahan bhar mein mera charcha hua hai
قمر میں آفتاب و کہکشاں میں
نبی کا حسن ہی جلوہ نما ہے
Qamar mein aaftab o kahkashan mein
Nabi ka husn hi jalwa numa hai
شرف بخشا ہے طیبہ کو نبی نے
یہاں کی خاک میں رکھی شفا ہے
Sharf bakhsha hai Taiba ko Nabi ne
Yahan ki khaak mein rakhi shifa hai
مدینہ طیبہ ہو اس کا مسکن
شکستہ دل کی یا رب یہ صدا ہے
Madinah Taiba ho us ka maskan
Shikasta dil ki ya Rab yeh sada hai
کہا شبیرؔ نے گھر کو لٹا کر
نبی کے دین پہ سب کچھ فدا ہے
Kaha Shabbir ne ghar ko luta kar
Nabi ke deen pe sab kuch fida hai
چلو شہرِ مدینہ مفلسو تم
غریبوں کا وہی تو آسرا ہے
Chalo sheher-e-Madinah mufliso tum
Ghareebon ka wohi to aasra hai
زبانِ احمدؔ خستہ جگر پر
محمدﷺ مصطفیٰ صلِّ علیٰ ہے
Zaban-e-Ahmed khasta jigar par
Muhammad ﷺ Mustafa Salli Ala hai
Share This Naat
Share with friends and family
وہی جو مظہرِ ذاتِ خدا ہے
مولانا طفیل احمد مصباحی