وہ جس نے آتشِ عشقِ نبی لگالی ہے
سمجھ لو نارِ جہنم سے ہو گیا محفوظ
woh jis ne aatish-e ishq-e Nabi laga li hai
samajh lo naar-e jahannum se ho gaya mehfooz
نبی کا عشق سلامت، رہے وفا محفوظ
پھر اس کے بعد ہے جنت کا راستہ محفوظ
Nabi ka ishq salamat, rahe wafa mehfooz
phir is ke baad hai jannat ka rasta mehfooz
وہ جس نے آتشِ عشقِ نبی لگا لی ہے
سمجھ لو نارِ جہنم سے ہو گیا محفوظ
woh jis ne aatish-e ishq-e Nabi laga li hai
samajh lo naar-e jahannum se ho gaya mehfooz
نبی کے نام کا طغرا لگائے بیٹھے ہیں
نہ کیوں بلاؤں سے ہو اپنا گھر بھلا محفوظ
Nabi ke naam ka tughra lagae baithe hain
na kyun balaon se ho apna ghar bhala mehfooz
یہ مہروماہ بھی کرتے ہیں جس سے کسبِ نور
وہ آفتاب ہے طیبہ میں نور کا محفوظ
ye mehro-maah bhi karte hain jis se kasb-e noor
woh aafitaab hai Tayba mein noor ka mehfooz
ہیں جس میں عشقِ رسالت مآب کے جوہر
غم و الم سے رہے گا وہ دل سدا محفوظ
hain jis mein ishq-e Rasool Allah ke johar
gham o alam se rahe ga woh dil sada mehfooz
بروزِ حشر یہی ہم کو بخشوائے گا
ہمارے دل میں رہے عشقِ مصطفےٰ محفوظ
baroz-e hashr yahi hum ko bakshwaye ga
hamare dil mein rahe ishq-e Mustafa mehfooz
بلائیں جتنی ہیں کترا کے بھاگ جاتی ہیں
شفیقؔ اُن کا گدا بن کے ہو گیا محفوظ
balayeen jitni hain katra ke bhaag jaati hain
Shafiq un ka gada ban ke ho gaya mehfooz
Share This Naat
Share with friends and family
وہ جس نے آتشِ عشقِ نبی لگالی ہے
شفیق ؔ رائے پوری