کرم کیجئے تاجدار مدینہ
بنا لیں مجھے خاکسار مدینہ
Karam kijiye Tajdar-e-Madina
Bana lein mujhe khaksar Madina
انہیں بھی بلا لیجئے پاس اپنے
جنہیں ہے ابھی انتظار مدینہ
Unhein bhi bula lijiye paas apne
Jinhein hai abhi intezar Madina
مرے لب پہ ہیں شہر طیبہ کی باتیں
مرا دل مری جاں نثار مدینہ
Mere lab pe hain Sheher-e-Taiba ki baatein
Mera dil meri jaan nisar Madina
یہ کہہ کر مرے چارہ گر چل دئیے ہیں
ارے یہ تو ہے بے قرار مدینہ
Yeh keh kar mere charah gar chal diye hain
Are yeh to hai beqarar Madina
فضیلت ہے کعبے کی اپنی جگہ پر
تیری شان اپنی ہے پیار مدینہ
Fazeelat hai Kaabe ki apni jagah par
Teri shaan apni hai pyar Madina
نہ جبریل پہنچا نہ کوئی پیمبر
جہاں تک گئے شہسوار مدینہ
Na Jibreel pohancha na koi paigambar
Jahan tak gaye Shehsawar Madina
ہر اک روز مجھ پر عیاں ہو رہا ہے
ہے آنکھوں میں میری غبار مدینہ
Har ek roz mujh par ayaan ho raha hai
Hai aankhon mein meri ghubar Madina
دو عالم کی مہکی ہوئی ہیں فضائیں
میں قربان تجھ پر بہار مدینہ
Do aalam ki mehki hui hain fazaen
Main qurban tujh par bahar Madina
نیازی کیا ہے یہ محسوس جا کر
سکون دل و جان دیار مدینہ
Niazi kya hai yeh mehsoos ja kar
Sukoon dil o jaan diyar Madina
Share This Naat
Share with friends and family
کرم کیجئے تاجدار مدینہ
عبدالستار نیازی