دیکھے ہیں جلوے رحمتِ حق کے نزول کے
سرِّ نہاں ، عیاں ہوئے در پر رسول کے
Dekhay hain jalway rehmat-e-Haq k nuzool k
Sir-e-nahan, ayaan huay dar par Rasool k
مثلِ نجومِ آسماں دیتے ہیں روشنی
طیبہ کی رہگزر کے جو ذرّے ہیں دھول کے
Misl-e-najoom-e-aasmaan dete hain roshni
Tayba ki rehguzar k jo zarray hain dhool k
واجب ہے ایسے سہو پہ سجدہ نماز میں
جس نے درود پڑھ لیا آقا پہ بُھول کے
Wajib hai aisay sahw pe sajda namaz mein
Jis ne durood parh liya aaqa pe bhool k
پہلی نظر پڑی جو مواجہ پہ دوستو!
سارے دریچے وا ہوئے قلبِ ملُول کے
Pehli nazar pari jo muwajah pe dosto!
Saare darychay wa huay qalb-e-malool k
جنت کی خواہشیں بھی تمہیں بُغضِ آل بھی
باور رہے قسیم ہیں بیٹے بتول کے
Jannat ki khwahishein bhi tumhein bu'ghz-e-aal bhi
Bawar rahay qasim hain betay Batool k
کرب و بلا کے ذکر پہ رویا ہے آسمان
مَسلے گئے تھے پھول جو باغِ رسول کے
Karb-o-bala ke zikr pe roya hai aasman
Maslay gaye thay phool jo bagh-e-Rasool k
رکھتے ہیں دل میں بغض جو آلِ رسول کا
رُسوا ہوئے جہان میں پیکر جہول کے
Rakhtay hain dil mein bu'ghz jo aal-e-Rasool ka
Ruswa huay jahan mein paikar jahool k
رائے نہیں ہے دوسری ، لعنت یزید پر
قائل جلیل ہم نہیں بحثِ فضُول کے
Raaye nahin hai doosri, lanat Yazid par
Qael jaleel hum nahin behs-e-fuzool k
Share This Naat
Share with friends and family
دیکھے ہیں جلوے رحمتِ حق کے
حافظ عبدالجلیل