Manqabat
وہ دوجہاں میں ہے واللہ سرفرازِ علی
وہ دوجہاں میں ہے واللہ سرفرازِ علی
علی کے ناز نے بخشا جسے نیازِ علی
Wo do jahan mein hai wallah sarfaraz-e-Ali
Ali ke naz ne bakhsha jise niyaz-e-Ali
حدیث " لحمک لحمی " سے صاف روشن ہے
کہ سوز و ساز محمد ہے سوز و سازِ علی
Hadees "Lahmaka Lahmi" se saaf roshan hai
Ke soaz o saaz Muhammad hai soaz o saaz-e-Ali
کمال ، شاہ ولایت کا چھپ نہیں سکتا
کہ قطب و غوث ہیں سب رازدار رازِ علی
Kamal, shah-e-wilayat ka chhup nahi sakta
Ke qutub o ghaos hain sab raazdar-e-raaz-e-Ali
وہ بدر و خیبر و خندق ہو یا حدود اُحد
حضور حق نے اٹھایا ہے بڑھ کے نازِ علی
Wo badr o Khaibar o Khandaq ho ya hudood-e-Uhad
Huzoor Haq ne uthaya hai barh ke naz-e-Ali
سیاہی شب ہجرت میں میٹھی نیند کا راز
بیاں کرے گی فقط چشم نیم بازِ علی
Siyahi shab hijrat mein meethi neend ka raaz
Bayan kare gi faqat chashm neem baz-e-Ali
وہیں پہ رحمتیں بیتاب ہو کے چھا جائیں
جہاں ہو سایہ فگن گیسوئے درازِ علی
Wahin pe rehmatain beitaab ho ke chha jaayein
Jahan ho saya fagan gesu-e-daraaz-e-Ali
صبیحؔ ! کیسے نہ آساں ہوں مشکلیں میری
مدد کو آتا ہے خود دستِ دل نوازِ علی
Sabih! kaise na aasan hoon mushkilain meri
Madad ko aata hai khud dast-e-dil nawaz-e-Ali
Share This Naat
Share with friends and family
وہ دوجہاں میں ہے واللہ سرفرازِ علی
سید صبیح الدین صبیح رحمانی