وہ درد چاہئے مولا کہ چارہ ساز رہے
اِک ایسی آنچ عطا کر کہ دل گداز رہے
Woh dard chahiye maula ke chara saz rahe
Ik aisi aanch ata kar ke dil gadaz rahe
ترا ہی عشق ہو دارین میں مِری پہچان
یہاں وہاں یہی تمغائے امتیاز رہے
Tera hi ishq ho darain mein meri pehchan
Yahan wahan yahi tamga-e-imtiaz rahe
یہی بہشتِ سماعت یہی بہشتِ کلام
حدیثِ دوست ترا سِلسلہ دراز رہے
Yehi bahisht-e-samaat yehi bahisht-e-kalaam
Hadees-e-dost tera silsila daraz rahe
تری صفاتِ کرم جب خُدا نے کیں تحریر
لِکھا ترا درِ رحمت ہمیشہ باز رہے
Teri sifat-e-karam jab khuda ne keen tehreer
Likha tera dar-e-rehmat hamesha baaz rahe
اور اِس کے بعد بصد انبساط و ناز و نشاط
تری نگاہ کو لکھّا کہ کارساز رہے
Aur is ke baad bisad inbisat o naaz o nishat
Teri nigah ko likha ke kaarsaz rahe
زباں کا وصف یہ ٹھہرا کہ دل کشائی کرے
بیاں کی شان یہ ٹھہری کہ دل نواز رہے
Zaban ka wasf ye thehra ke dil kashai kare
Bayan ki shaan ye thehri ke dil nawaz rahe
صفات نامے کے آخر میں یُوں کیا ارقام
حریمِ ناز رہے رونقِ نیاز رہے
Sifat name ke aakhir mein yun kiya araqam
Hareem-e-naaz rahe ronaq-e-niyaz rahe
یہ اُن کا شہرِ تجلّی یہ کثرتِ جلوہ
پلک نہ جھپکے لگاتار چشم باز رہے
Ye un ka shehar-e-tajalli ye kasrat-e-jalwa
Palk na jhapke lagatar chashm baaz rahe
ہجومِ جلوہ میں اپنے لئے دعا نِکلی
خُدا کرے کہ مری زندگی دراز رہے
Hajoom-e-jalwa mein apne liye dua nikli
Khuda kare ke meri zindagi daraz rahe
نہ لِکھ سکے تری مدحت میں ایک موزوں سطر
اگر زمانہ ابد تک رقم طراز رہے
Na likh sake teri madih mein ek mauzun satr
Agar zamana abad tak raqam taraz rahe
تقّربِ شبِ معراج کِس کی عقل میں آئے
اگر خُدا ہی یہ چاہے کہ راز راز رہے
Taqarrub-e-Shab-e-Me'raj kis ki aql mein aaye
Agar khuda hi ye chahe ke raaz raaz rahe
مَیں اب ہمیشہ ہمیشہ رہوں گا محوِ درود
نظامِ وقت خلل ڈالنے سے باز رہے
Main ab hamesha hamesha rahunga mehve durood
Nizam-e-waqt khalal dalne se baaz rahe
خلُوصِ دل سے کوئی نعت ہی کہوں عاصؔی
گناہ گار ہُوں بخشش کا کچھ جواز رہے
Khuloos-e-dil se koi naat hi kahun Asi
Gunahgaar hun bakhshish ka kuch jawaz rahe
Share This Naat
Share with friends and family
وہ درد چاہئے مولا کہ چارہ ساز رہے
عاصی کرنالی