وردِ زباں ہے نام پیمبر خدا کے بعد
لکھتا ہوں نعتِ پاک میں حمد و ثنا کے بعد
Vird-e-zubaan hai naam piambar Khuda ke baad
Likhta hoon naat-e-paak mein hamd o sana ke baad
ذی شان انبیا ہیں مگر مصطفیٰؐ کے بعد
سب سے عظیم ذاتِ نبیؐ ہے خدا کے بعد
Zi shaan anbiya hain magar Mustafaؐ ke baad
Sab se azeem zaat-e-nabiؐ hai Khuda ke baad
لبہائے بے کساں پہ تبسم مچل گئے
تشریف آوریِ شہِ دوسرا کے بعد
Labha-e be kasaan pe tabassum machal gaye
Tashreef aavri-e shah-e doosra ke baad
رخصت پذیر ہوگئی باطل کی تیرگی
شہرِ عرب میں آمدِ شمس الضحیٰ کے بعد
Rukhsat pazeer ho gayi batil ki teeragi
Shehr-e Arab mein aamad-e Shams al duha ke baad
دہقاں عرب کے بن گئے سرخیلِ کارواں
وابستگیِ دامنِ خیر الوریٰ کے بعد
Dehiqaan Arab ke ban gaye sarkhail-e kaarwan
Wabastagi-e daaman-e khair ul wura ke baad
ذاتِ نبیؐ پہ بابِ نبوت ہوا ہے بند
آئے گا اب نہ کوئی نبیؐ مصطفیٰؐ کے بعد
Zaat-e nabiؐ pe baab-e nabuwat hua hai band
Aaye ga ab na koi nabiؐ Mustafaؐ ke baad
امت میں سب سے افضل و اعلیٰ عتیق ہیں
صدیق جیسا کوئی نہیں انبیا کے بعد
Ummat mein sab se afzal o aala Atiq hain
Siddiq jaisa koi nahin anbiya ke baad
دنیا میں اور رونقِ اسلام بڑھ گئی
بہرِ عمر نبی کی قبولِ دعا کے بعد
Duniya mein aur raunak-e Islam barh gayi
Behr-e Umar nabi ki qubool-e dua ke baad
کوئی سخی ہوا نہ سخاوت میں بے نظیر
عثمان جیسے پیکرِ جود و سخا کے بعد
Koi sakhi hua na sakhaawat mein be nazeer
Usman jaise paiker-e jood o sakha ke baad
تاریخ کہہ رہی ہے شجاعت میں بے مثال
پیدا ہوا نہ کوئی جری مرتضیٰ کے بعد
Tareekh keh rahi hai shujaat mein be misaal
Paida hua na koi jari Murtaza ke baad
احسؔن تیرا اثاثۂ نعتِ رسولِ پاک ؐ
عقبیٰ میں کام آئے گا تیری قضا کے بعد
Ahsؔan tera asasa-e naat-e Rasool-e-Paakؐ
Uqba mein kaam aaye ga teri qaza ke baad
Share This Naat
Share with friends and family
وردِ زباں ہے نام پیمبر خدا کے بعد
احسن اعظمی