کعبہ سیاہ پوش ہے کس کے فراق میں
اسود جمال زاد ہے کس طرح طاق میں
Kabba siyah posh hai kis ke faraq mein
Aswad jamal zad hai kis tarah taaq mein
کعبے کی داستان ہو کیسے نہ دل ربا
آتا ہے تیرا نام سیاق و سباق میں
Kabbay ki dastaan ho kaise na dil ruba
Aata hai tera naam siyaq o sabaq mein
کیوں کر مطاف میں ہے اجالوں کا رتجگا
ہے کس کا نام رکّھا ہوا دل کے طاق میں
Kyoon kar mataaf mein hai ujaalon ka rutjaga
Hai kis ka naam rakha hua dil ke taaq mein
لمسِ لبِ حبیب کی سر مستی دیکھیے
زم زم رواں ہے آج بھی کس اشتیاق میں
Lams-e-lab-e-Habib ki sarmasti dekhiye
Zam zam rawa hai aaj bhi kis ishtiaq mein
وردِ زباں درود ہو ذکرِ خدا کے ساتھ
پھر تو کمال لطف ہو اس انطباق میں
Wird-e-zubaan darood ho zikr-e-Khuda ke saath
Phir to kamaal lutf ho is intibaaq mein
کعبے پہ ہو نگاہ تو دل میں ترا خیال
کیسا سرور و کیف ہو اس اتفاق میں
Kabbay pe ho nigah to dil mein tera khayaal
Kaisa suroor o kaif ho is ittefaq mein
آقا ترے حضور بھی آئے ترا ظفر
لائے گُلاب نعت کے طشتِ وراق میں
Aaqa tere huzoor bhi aaye tera Zafar
Laaye gulaab naat ke tasht-e-waraq mein
Share This Naat
Share with friends and family
کعبہ سیاہ پوش ہے کس کے فراق میں
محمد ظفراقبال نوری