وہ دن آئیں کبھی ہم بھی بنیں مہماں مدینے میں
رہیں پھر عُمر بھر مولا ! بہ جسم و جاں مدینے میں
woh din aa'ain kabhi hum bhi banein mehmaan madeene mein
rahein phir umar bhar moula! beh jism o jaan madeene mein
اگرچہ جی رہا ہوں میں، مگر یہ زندگی کیا ہے
کہ میں تو ہوں یہاں لیکن مرے جاناں مدینے میں
agarchah jee raha hoon mein, magar yeh zindagi kya hai
ke mein to hoon yahan lekin mere jaanan madeene mein
مدینے کی فضا مولا ! عطا کر اہلِ ایماں کو
کہ روحیں اہلِ ایماں کی رہیں شاداں مدینے میں
madeene ki faza moula! ataa kar ahl-e imaan ko
ke roohain ahl-e imaan ki rahein shaadan madeene mein
یہ دربارِ مُحمّد ہے ، کُھلے ہیں در خزانوں کے
گدا بن کر کے آتے ہیں سبھی سلطاں مدینے میں
yeh darbaar-e Muhammad hai, khule hain dar khazano ke
gada ban kar ke aate hain sabhi sultaan madeene mein
رہِ عشق و محبّت میں غموں کی وادیاں بھی ہیں
سہارا دے کے لے چل تُو ،مُجھے اے جاں ! مدینے میں
rah-e ishq o muhabbat mein ghamon ki vaadiyan bhi hain
sahaara de ke le chal tu, mujhe ae jaan! madeene mein
مدینے میں جو موت آئے ، بھلا ہے دین و دُنیا کا
سو مرنا ہو تو پھر جا کر مرے اِنساں مدینے میں
madeene mein jo maut aaye, bhala hai deen o duniya ka
so marna ho to phir ja kar mare insaan madeene mein
دلِ مُضطر کی خواہش ہے کبھی تو زندگانی میں
ملے ہم سے فقیروں کو ، مہِ رمضاں مدینے میں
dil-e muztar ki khwahish hai kabhi to zindagani mein
mile hum se faqiron ko, meh-e ramzan madeene mein
نہیں لگتا مرے مولا! وطن میں دل مرا ،کیونکہ
یہاں تو جسمِ خاکی ہے ، مری ہے جاں مدینے میں
nahi lagta mere moula! watan mein dil mera, kyunke
yahan to jism-e khaaki hai, meri hai jaan madeene mein
مدینے کے مکینوں کو جو دیکھیں ،رشک آتا ہے
کہ وہ پھرتے ہیں گلیوں میں بڑے نازاں مدینے میں
madeene ke makeenon ko jo dekhein, rashk aata hai
ke woh phirte hain galiyon mein bade nazaan madeene mein
جلیل اک کوٹھڑی مجھ کو مدینے میں عطا ہو گر
تو گُزرے زندگانی شاداں و فرحاں مدینے میں
Jaleel ik kothhari mujh ko madeene mein ataa ho gar
to guzre zindagani shaadan o farhaan madeene mein
Share This Naat
Share with friends and family
وہ دن آئیں کبھی ہم بھی بنیں مہماں مدینے میں
حافظ عبدالجلیل