مرے کریم ترے لطف اور کرم کے چراغ
ازل سے مجھ کو ملے ہیں یہ چشمِ نم کے چراغ
Mere Kareem tere lutf aur karam ke charagh
Azal se mujhe mile hain ye chashm-e-nam ke charagh
حرائے دل میں ہے آیاتِ نعت کی رم جھم
حریمِ جاں میں ہیں روشن ترے حرم کے چراغ
Hara e dil mein hai ayat e naat ki ram jham
Hareem e jaan mein hain roshan tere haram ke charagh
فلاح و فوز کی ضامن ہے پیروی تیری
نشانِ خلد بریں میں ترے قدم کے چراغ
Falah o fauz ki zamin hai pairwi teri
Nishan e khuld barin mein tere qadam ke charagh
شعور و فکر کی تابندگی تمہی سے ہے
تمہارے علم سے روشن ہیں کیف و کم کے چراغ
Shaoor o fikr ki tabindagi tumhi se hai
Tumhare ilm se roshan hain kaif o kam ke charagh
دل و جگر میں برنگِ لہو رہے روشن
خوشا نصیب کہ عشقِ شہِ امم کے چراغ
Dil o jigar mein barang e lahu rahe roshan
Khushha naseeb ke ishq e sheh e umam ke charagh
سکندری و جمی، قیصری و دارائی
عرب کے جلووں میں گم ہوگئے عجم کے چراغ
Sikandari o jamee, qaisri o darai
Arab ke jaluon mein gum hogaye ajam ke charagh
تمام عمر لکھی نعتِ مصطفےٰ شاکر
اسی کے دم سے فروزاں ہیں میرے وہم کے چراغ
Tamam umr likhi naat e Mustafa Shakir
Isi ke dam se forozan hain mere wahm ke charagh
Share This Naat
Share with friends and family
مرے کریم ترے لطف اور کرم کے چراغ
سیّد شاکر القادری چِشتی نِظامی