ورائے مثل ہے کونین میں جمالِ حضور
تلاش کس لئے کرتے ہو تم مثالِ حضور
Varaaye misl hai konain mei jmaal-e-Huzur
Talash kis liye karte ho tum misal-e-Huzur
رگِ حیات میں بہتی ہے بوئے مشکِ ختن
مشامِ جاں میں مہکتا ہے جب خیالِ حضور
Rag-e-hayat mei behti hai booye mashk-e-khatan
Mashaam-e-jaan mei mehakta hai jab khayal-e-Huzur
پسند ہے مجھے کچھ اس لئے بھی ذکرِ نبی
زباں پہ رہتی ہے شیرینیٔ مقالِ حضور
Pasand hai mujhe kuch isliye bhi zikr-e-nabi
Zabaan pe rehti hai sheereeniy-e-maqal-e-Huzur
میں ان کی راہ میں پلکیں بچھائے بیٹھا ہوں
کبھی تو کاش یہ پلکیں ہوں پائمالِ حضور
Main un ki raah mei palken bichhaye baitha hoon
Kabhi to kaash ye palken hon paa-emal-e-Huzur
ہمارے ہونٹ یقیناً نہیں ہیں اس قابل
نظر سے بارہا چومیں گے ہم نعالِ حضور
Humaray hont yaqeenan nahi hain is qabil
Nazar se baarha chumeinge hum na-aal-e-Huzur
زمانہ رب سے طلب کر رہا ہو جب جنت
ہمارے لب پہ رہے مشکبو سوالِ حضور
Zamana Rab se talab kar raha ho jab jannat
Humaray lab pe rahe mashkbu sawal-e-Huzur
ہمارا دل بھی یقیناً ہے ایک باغِ جناں
ہے اس میں جب سے سکونت پذیر آلِ حضور
Hamara dil bhi yaqeenan hai aik bagh-e-jinan
Hai is mei jab se sukunat pazeer aal-e-Huzur
عطائے جودِ مسلسل سخاوتِ پیہم
کثیر لطف و عنایات ہیں خصالِ حضور
Ataye jood-e-musalsal sakhawat-e-paiham
Kaseer lutf o inayat hain khasa-e-Huzur
جو دیکھتا ہے دل و جاں نثار کرتا ہے
حسِین ایسے ہیں اشفاق خد و خالِ حضور
Jo dekhta hai dil o jaan nisaar karta hai
Husain aise hain Ashfaq khad o khaal-e-Huzur
Share This Naat
Share with friends and family
ورائے مثل ہے کونین میں جمالِ حضور
اشفاق احمد غوری