یہ تو بس اُن کا کرم ہے کہ ثنا سے پہلے
جھولیاں بھر دیا کرتے ہیں صدا سے پہلے
Yeh to bas un ka karam hai keh sana se pehle
Jhooliyan bhar diya karte hain sada se pehle
وہ سراپائے کرم ہیں میں سراپا محتاج
کچھ نہ تھا پاس مِرے اُنکی عطا سے پہلے
Woh sarapa-e-karam hain, main sarapa mahtaj
Kuch na tha paas mere unki ata se pehle
ہے عبث عالمِ فانی میں بقا کی خواہش
الفتِ سرورِ عالم میں فنا سے پہلے
Hai abass aalam-e-fani mein baqa ki khwahish
Ulfat-e-Sarwar-e-Alam mein fana se pehle
ظلمتِ کفر و ضلالت میں زمانہ گُم تھا
دہر میں آمدِ انوارِ ہدا سے پہلے
Zulmat-e-kufr o zalalat mein zamana gum tha
Dehr mein amad-e-anwaar-e-huda se pehle
ربّ اکرم کو منانے کا ہنر ہے مجھ میں
نام سرکار کا لیتا ہوں دعا سے پہلے
Rab-e-Akram ko manane ka hunar hai mujh mein
Naam Sarkar ka leta hoon dua se pehle
تب کہیں جا کے چمکتا ہے فلک پر سورج
بھیک لیتا ہے مدینے کی ضیا سے پہلے
Tab kahin ja ke chamakta hai falak par sooraj
Bheek leta hai Madine ki zia se pehle
بن کے سردارِ جوانانِ ارم جائیں گے
خلد میں سرورِ عالم کے نواسے پہلے
Ban ke Sardar-e-Jawanan-e-aram jayenge
Khuld mein Sarwar-e-Alam ke nawase pehle
ہاتھ پھیلانے کی حاجت ہی نہیں رہتی ہے
بھیک دیتے ہیں وہ منگتا کو صدا سے پہلے
Haath phelane ki haajat hi nahin rahti hai
Bheek dete hain woh mangta ko sada se pehle
ہاں شفیقؔ اُس سے ہی روشن ہے زمانہ سارا
روشنی پھوٹی تھی جو غارِ حرا سے پہلے
Haan Shafiq us se hi roshan hai zamana saara
Roshni phooti thi jo Ghar-e-Hira se pehle
Share This Naat
Share with friends and family
یہ تو بس اُن کا کرم ہے کہ ثنا سے پہلے
شفیق ؔ رائے پوری