وُجُودِ شاعرِ مِدحت پہ خوف ہے طاری
صراطِ نعت ہے تلوار ایک دو دھاری
Wujood-e-shair-e-midhat pe khauf hai taari
Siraat-e-naat hai talwar aik do dhaari
حرُوفِ نعت میں ہَوں کیفیات بھی شامل
یہاں عرُوض کی کافی نہیں ہے فن کاری
Huroof-e-naat mein hoon kayfiyat bhi shaamil
Yahan arooz ki kaafi nahin hai fun kaari
گُھلی ہے رُوح میں سرکار آپ کی چاہت
وریدِ جاں میں رواں ہے بہ شکلِ سر شاری
Ghuli hai rooh mein sarkaar aap ki chahat
Vareed-e-jaan mein rawaan hai beh shakal-e-sar shaari
حُضُور! بھیجا ہے جاؤوک کہہ کے مالک نے
پڑا ہے آپ کی چوکھٹ پہ ایک اقراری
Huzoor! bheja hai jaaook keh ke maalik ne
Para hai aap ki chaukhat pe aik iqraari
یقیں ہے حشر میں رُسوا نہ ہونے دے گی مجھے
مرے شفیع ، شہِ بحر و بر کی ستّاری
Yaqeen hai hashr mein ruswa na hone de gi mujhe
Mere shafee', shah-e-bahr o bar ki sattari
مرے خمیر میں ہے اہلِ بیت کی اُلفت
مری سرشت ہے سادات سے وفا داری
Mere khameer mein hai ahl-e-bait ki ulfat
Meri sarisht hai sadaat se wafa daari
نکل ہی آیا غموں میں بھی لُطف کا پہلو
سنا ہے جب سے، وہ کرتے ہیں سب کی غمخواری
Nikal hi aaya ghamon mein bhi lutf ka pehlu
Suna hai jab se, woh karte hain sab ki ghamkhwaari
میانِ حشر مری چھب ہو دیکھنے والی
پکارا جاؤُں اگر نعت کا کرم چاری
Miyan-e-hashr meri chhab ho dekhne wali
Pukara jaaon agar naat ka karam chaari
مٹھاس ہونٹوں پہ اشفاق روز افزوں ہے
زباں پہ جب سے ہُوا وردِ یا نبی جاری
Mithaas honton pe Ashfaq roz afzoon hai
Zubaan pe jab se hua wird-e-ya nabi jaari
Share This Naat
Share with friends and family
وُجُودِ شاعرِ مِدحت پہ خوف ہے طاری
اشفاق احمد غوری