مظلوم کا بے کس کا پریشاں کا تحفظ
آئے ہیں نبیؐ ہوگا ہر انساں کا تحفظ
Mazloom ka be-kas ka pareshaan ka tahaffuz
Aaye hain Nabi (S.A.W) hoga har insaan ka tahaffuz
پیغامِ مساوات لیے آئے پیمبر
ممکن ہوا اب عصمتِ نسواں کا تحفظ
Paighaam-e-masavaat liye aaye paighambar
Mumkin hua ab ismat-e-niswan ka tahaffuz
ہو جائے گا ہر طاقِ حرم پاک بتوں سے
کردیں گے نبیؐ خانۂ یزداں کا تحفظ
Ho jaye ga har taaq-e-haram paak buton se
Kar denge Nabi (S.A.W) khana-e-yazdaan ka tahaffuz
دنیا میں ہوئے جلوہ نما مونسِ عالم
ہونے کو ہے اب عالمِ انساں کا تحفظ
Duniya mein hue jalwa numa monis-e-alam
Hone ko hai ab alam-e-insaan ka tahaffuz
آقاؐ کے لیے بن کے سپر جنگِ احد میں
طلحہ نے کیا سیدِ ذیشاں کا تحفظ
Aaqa (S.A.W) ke liye ban ke sipar jang-e-Uhud mein
Talha ne kiya Syed-e-Zeeshaan ka tahaffuz
ہیں گھات لگائے ہوئے ایماں کے لُٹیرے
کرنا ہے ہمیں دولتِ ایماں کا تحفظ
Hain ghaat lagae hue imaan ke luttayre
Karna hai humein daulat-e-imaan ka tahaffuz
ایمان کی جاں، حُبِ نبیؐ، حُبِ نبیؐ ہے
ہر حال میں ہو حُبِ رسولاں کا تحفظ
Imaan ki jaan, hub-e-Nabi (S.A.W), hub-e-Nabi (S.A.W) hai
Har haal mein ho hub-e-Rasolaan ka tahaffuz
یہ سینۂ حفاظ میں محفوظ ہے جب تک
کمزور نہ ہوگا کبھی قرآں کا تحفظ
Yeh seena-e-huffaz mein mehfooz hai jab tak
Kamzor na hoga kabhi Quran ka tahaffuz
سرکار کرم کردیں تو ہو جائے گا پل میں
ہر ظلم سے اس احسؔنِ بے جاں کا تحفظ
Sarkar karam kardein to ho jaye ga pal mein
Har zulm se is Ahsan-e-bejaan ka tahaffuz
Share This Naat
Share with friends and family
مظلوم کا بے کس کا پریشاں کا تحفظ
احسن اعظمی