Manqabat
واہ کیا مرتبہ اے غوث ہے بالا تیرا
واہ کیا مرتبہ اے غوث ہے بالا تیرا
اُونچے اُونچوں کے سَروں سے قدَم اعلیٰ تیرا
Waah kya martaba ae ghous hai bala tera
Oonche oonchon ke saron se qadam aala tera
سر بھلا کیا کوئی جانے کہ ہے کیسا تیرا
اولیا ملتے ہیں آنکھیں وہ ہے تلوا تیرا
Sar bhala kya koi jaane ke hai kaisa tera
Aulia milte hain aankhen woh hai talwa tera
کیا دَبے جس پہ حِمایت کا ہو پنجہ تیرا
شیر کو خطرے میں لاتا نہیں کُتّا تیرا
Kya dabe jis pe himayat ka ho panja tera
Sher ko khatre mein laata nahi kutta tera
تُو حُسینی حَسَنی کیوں نہ محی الدّیں ہو
اے خِضَرمَجْمَعِ بَحْرَیْن ہے چشمہ تیرا
Tu Husaini Hasni kyun na Mohiyuddin ho
Ae Khizr Majma-ul-Bahrain hai chashma tera
قسمیں دے دے کے کھلاتا ہے پلاتا ہے تجھے
پیارا ا للّٰہ تِرا چاہنے والا تیرا
Kasmein de de ke khilata hai pilata hai tujhe
Pyara Allah tera chahne wala tera
مصطفیٰ کے تن ِبے سایہ کا سایہ دیکھا
جس نے دیکھامری جاں جلوۂ زیبا تیرا
Mustafa ke tan-e-be saya ka saya dekha
Jis ne dekha meri jaan jalwa-e-zeba tera
اِبنِ زَہرا کو مبارک ہو عَروسِ قدرت
قادِری پائیں تصدّق مرے دُولہا تیرا
Ibn-e-Zahra ko mubarak ho aroos-e-qudrat
Qadri payen tasaduq mere dulha tera
کیوں نہ قاسِم ہو کہ تُو ابنِ ابی القاسم ہے
کیوں نہ قادِر ہو کہ مختار ہے بابا تیرا
Kyun na Qasim ho ke tu ibn-e-ablu Qasim hai
Kyun na Qadir ho ke Mukhtar hai baba tera
نبوی مینھ علوی فصل بتولی گلشن
حَسنی پھول حُسینی ہے مہکنا تیرا
Nabwi meenh Alwi fasl Batooli gulshan
Hasni phool Husaini hai mehka tera
نبوی ظِل عَلوی برج بتولی منزل
حَسنی چاند حُسینی ہے اُجالا تیرا
Nabwi zil Alwi burj Batooli manzil
Hasni chaand Husaini hai ujala tera
نبوی خُور عَلَوی کوہ بتولی مَعْدِن
حَسنی لعل حُسینی ہے تجلّا تیرا
Nabwi khoor Alwi koh Batooli ma'din
Hasni laal Husaini hai tajalla tera
بحروبرشہر و قُریٰ سہل و حُزُن دشت و چمن
کون سے چَک پہ پہنچتا نہیں دعویٰ تیرا
Behrobar shehr o qura sahalo huzun dasht o chaman
Koun se chak pe pahunchta nahi daawa tera
حُسنِ نیّت ہو خطا پھر کبھی کرتا ہی نہیں
آزمایا ہے یگانہ ہے دوگانہ تیرا
Husne-niyyat ho khata phir kabhi karta hi nahi
Aazmaya hai yagana hai dogana tera
عرضِ اَحوال کی پیاسوں میں کہاں تاب مگر
آنکھیں اے اَبر ِکرم تکتی ہیں رَستا تیرا
Arz-e-ahwaal ki piason mein kahaan taab magar
Aankhen ae abr-e-karam takti hain rasta tera
موت نزدیک گناہوں کی تَہیں مَیل کے خول
آ برس جا کہ نہا دھو لے یہ پیاسا تیرا
Maut nazdeek gunaahon ki thein mail ke khol
Aa baras ja ke naha dho le yeh pyaasa tera
آب آمد وہ کہے اور میں تیمم برخاست
مُشتِ خاک اپنی ہو اور نُور کا اَہلا تیرا
Aab aamad woh kahe aur main tayammum barkhaast
Musht-e-khaak apni ho aur noor ka ahla tera
جان تو جاتے ہی جائے گی قیامت یہ ہے
کہ یہاں مرنے پہ ٹھہرا ہے نظّارہ تیرا
Jaan to jaate hi jayegi qayamat yeh hai
Ke yahan marne pe thehra hai nazaara tera
تجھ سے در درسے سگ اور سگ سےہےمجھکونسبت
میری گردن میں بھی ہے دُور کا ڈورا تیرا
Tujh se dar dar se sag aur sag se hai mujh ko nasbat
Meri gardan mein bhi hai door ka daura tera
اس نشانی کے جو سگ ہیں نہیں مارے جاتے
حَشْر تک میرے گلے میں رہے پٹّا تیرا
Is nishani ke jo sag hain nahi maare jaate
Hashr tak mere gale mein rahe patta tera
میری قسمت کی قَسَم کھائیں سگانِ بغداد
ہِند میں بھی ہُوں تو دیتا رہوں پہرا تیرا
Meri qismat ki qasm khayein sagan-e-Baghdad
Hind mein bhi hoon to deta rahoon pehra tera
تیری عزّت کے نثار اے مِرے غیرت والے
آہ صد آہ کہ یُوں خوار ہو ِبروا تیرا
Teri izzat ke nisar ae mere ghairat wale
Aah sad aah ke yun khwaar ho birwa tera
بد سہی، چور سہی، مجرم و ناکارہ سہی
اے وہ کیسا ہی سہی ہے تو کریما تیرا
Bad sahi, chor sahi, mujrim o nakaara sahi
Ae woh kaisa hi sahi hai tu kareema tera
مجھ کو رُسوا بھی اگر کوئی کہے گا تو یوں ہی
کہ وہی نا، وہ رضاؔ بندۂ رُسوا تیرا
Mujh ko ruswa bhi agar koi kahega to yun hi
Ke wohi na, woh Raza banda-e-ruswa tera
ہیں رضاؔ یُوں نہ بلک تو نہیں جَیِّتو نہ ہو
سیِّدِ جَیِّدِ ہر دَہر ہے مولیٰ تیرا
Hain Raza yun na balak tu nahi jay tu na ho
Sayyid-e-Jayyid-e-har dahr hai maula tera
فخرِ آقا میں رضاؔ اور بھی اِک نظمِ رفیع
چل لکھا لائیں ثنا خوانوں میں چہرا تیرا
Fakhr-e-aqa mein Raza aur bhi ik nazm-e-rafe
Chal likha laen sana khwano mein chehra tera
Share This Naat
Share with friends and family
واہ کیا مرتبہ اے غوث ہے بالا تیرا
احمد رضا خان بریلوی