رسمِ شبّیر جگانے کے لیے
ہم نے غم سارے زمانے کے "لیے "
Rasm-e-Shabbir jagane ke liye
Hum ne gham sare zamane ke "liye"
منزلیں بن گئیں خود جادہء شوق
ابنِ زہرا تجھے پانے کے لیے
Manzilen ban gayi khud jada-e-shauq
Ibn-e-Zahra tujhe pane ke liye
کربلا تیری صدا کافی ہے
ساری دُنیا کو جگانے کے لیے
Karbala teri sada kafi hai
Sari duniya ko jagane ke liye
کج اداؤں سے نبٹنا سیکھو
حق پرستی کو بچانے کے لیے
Kaj adaon se nipatna seekho
Haq parasti ko bachane ke liye
پھر محرّم کا مہینہ آیا
حشر سینے میں اُٹھانے کے لیے
Phir Muharram ka mahina aya
Hashr sine me uthane ke liye
اشک کے رُوپ میں ہےذکرِ حُسین
آنکھ کا نُور بڑھانے کے لیے
Ashk ke roop me hai zikr-e-Hussain
Aankh ka noor barhane ke liye
تیرا کردار و عمل ، آفاقی
تیرا پیغام ، زمانے کے لیے
Tera kirdar o amal, aafaqi
Tera paigham, zamane ke liye
اک قیامت سے گزرنا ہوگا
درِ شبّیر تک آنے کے لیے
Ek qayamat se guzarna hoga
Dar-e-Shabbir tak ane ke liye
تشنگی اپنی گوارا کرلی
پیاس خنجر کی بجھانے کے لیے
Tashnagi apni gawara karli
Piyas Khanjar ki bujhane ke liye
جان ، حق کے لیے دینی ہوگی
سلسلہ اُن سے ملانے کے لیے
Jaan, haq ke liye deni hogi
Silsila un se milane ke liye
کربلا تک کا سفر ہے درپیش
بس نصیؔر اُٹھتے ہیں، جانے کے لیے
Karbala tak ka safar hai darpesh
Bas Naseer uthte hain, jane ke liye
Share This Naat
Share with friends and family
رسمِ شبّیر جگانے کے لیے
سید نصیرالدیں نصیر