لَو مدینے کی تجلّی سے لگائے ہوئے ہیں
دل کو ہم مطلعِ انوار بنائے ہوئے ہیں
Lo Madine ki tajalli se lagaye hue hain
Dil ko hum matla-e-anwaar banaye hue hain
اک جھلک آج دکھا گنبدِ خضرٰی کے مکیں
کچھ بھی ہیں، دُور سے دیداد کو آئے ہوئے ہیں
Ek jhalak aaj dikha gunbad-e-khizra ke makeen
Kuch bhi hain, door se deedad ko aaye hue hain
سر پہ رکھ دیجے ذرا دستِ تسلی آقا
غم کے مارے ہیں، زمانے کے ستائے ہوئے ہیں
Sar pe rakkh dije zara dast-e-tasalli aaqa
Gham ke mare hain, zamane ke sataye hue hain
نام کس منہ سے ترا لیں کہ ترے کہلاتے
تیری نسبت کے تقاضوں کو بھُلائے ہوئے ہیں
Naam kis munh se tera lein ke tere kehlaate
Teri nisbat ke taqazoun ko bhulaye hue hain
گھٹ گیا ہے تری تعلیم سے رشتہ اپنا
غیر کے ساتھ رہ و رسم بڑھائے ہوئے ہیں
Ghatt gaya hai teri taleem se rishta apna
Ghair ke saath rah o rasam barhaye hue hain
شرمِ عصیاں سے نہیں سامنے جایا جاتا
یہ بھی کیا کم ہے، ترے شہر میں آئے ہوئے ہیں
Sharm-e-isyaan se nahi samne jaya jaata
Ye bhi kya kam hai, tere shehar mein aaye hue hain
تری نسبت ہی تو ہے جس کی بدولت ہم لوگ
کفر کے دور میں ایمان بچائے ہوئے ہیں
Teri nisbat hi to hai jis ki badolat hum log
Kufr ke dour mein imaan bachaye hue hain
کاش دیوانہ بنالیں وُہ ہمیں بھی اپنا
ایک دنیا کو جو دیوانہ بنائے ہوئے ہیں
Kaash deewana bana lein woh humein bhi apna
Ek duniya ko jo deewana banaye hue hain
اللہ اللہ مدینے پہ یہ جلووں کی پھُوار
بارشِ نور میں سب لوگ نہائے ہوئے ہیں
Allah Allah Madine pe ye jalwon ki phuwaar
Barish-e-noor mein sab log nahaye hue hain
کیوں نہ پلڑا تیرے اعمال کا بھاری ہو نصیرؔ
اب تو میزان پہ سرکار بھی آئے ہوئے ہیں
Kyun na palra tere aamaal ka bhaari ho Naseer
Ab to meezaan pe Sarkar bhi aaye hue hain
Share This Naat
Share with friends and family
لَو مدینے کی تجلّی سے لگائے ہوئے ہیں
سید نصیرالدیں نصیر