Hamad
اُٹھا ہے بارگاہِ حق میں یہ دستِ دُعا میرا
اُٹھا ہے بارگاہِ حق میں یہ دستِ دُعا میرا
خدا کے ذکر سے روشن رہے دل کا دیا میرا
Utha hai bargah-e-Haq mein yeh dast-e-dua mera
Khuda ke zikr se roshan rahe dil ka diya mera
جو فرمانِ خدا ہے بس وہی ہے مدعا میرا
رسولِ پاکﷺ کا اسوہ ہے ہر دم رہنما میرا
Jo farmaan-e-Khuda hai bas wahi hai madua mera
Rasool-e-Pakﷺ ka uswa hai har dam rahnuma mera
میرے بگڑے ہوئے سب کام سیدھے ہوتے جاتے ہیں
ہر اِک مشکل میں ربِّ دوجہاں ہے آسرا میرا
Mere bigre hue sab kaam seedhe hote jaate hain
Har ik mushkil mein Rabb-e-Do Jahan hai aasra mera
ہیں سورج چاند بھی تابع، نکالے رات سے دن کو
بنایا چھے دنوں میں جس نے عالم وہ خدا میرا
Hain sooraj chaand bhi tabi, nikaale raat se din ko
Banaya chhe dinon mein jis ne aalam woh Khuda mera
جہاں حمد و ثنا کے پھول کھلتے ہیں وہ منزل ہے
دمِ آخر خدایا ہو یہی اک راستہ میرا
Jahan hamd o sana ke phool khilte hain woh manzil hai
Dam-e-aakhir Khudaya ho yahi ik raasta mera
خدا نے آپ کی امّت میں شامل کرلیا مجھ کو
رسولِ پاک کی نسبت سے روشن گھر ہوا میرا
Khuda ne aap ki ummat mein shaamil kar liya mujh ko
Rasool-e-Pak ki nisbat se roshan ghar hua mera
جہاں حمد و ثنا کے گونجتے ہیں زمزمے طاہرؔ
خدا کا شکر قائم ہے وہاں سے رابطہ میرا
Jahan hamd o sana ke goonjte hain zamzame Tahir
Khuda ka shukr qaim hai wahan se raabta mera
Share This Naat
Share with friends and family
اُٹھا ہے بارگاہِ حق میں یہ دستِ دُعا میرا
طاہر سلطانی