اے کریم ناتواں پر تری رحمتوں کا سایہ
تجھے حمد ہے خدایا تجھے حمد ہے خدایا
Ae kareem natawaan par teri rehmaton ka saaya
Tujhe hamd hai khudaya tujhe hamd hai khudaya
میں تری ادا پہ قرباں تری بندہ پروری ہے
مجھے نعت گو بنایا تجھے حمد ہے خدایا
Main teri ada pe qurbaan teri bandah parwari hai
Mujhe naat goo banaya tujhe hamd hai khudaya
بہ طفیلِ شاہِ بطحا مجھے بے بہا نوازا
مرا بخت جگمگایا تجھے حمد ہے خدایا
Bah tufail-e-shah-e-Batha mujhe be baha nawaza
Mera bakht jagmagaya tujhe hamd hai khudaya
مری زندگی کا مقصد تری حمد ان کی مدحت
یہ ہنر مجھے سکھایا تجھے حمد ہے خدایا
Meri zindagi ka maqsad teri hamd un ki mad'hat
Yeh hunar mujhe sikhaya tujhe hamd hai khudaya
میں تری عطا کے صدقے میں نثار اس کرم پر
مجھے اپنا گھر دکھایا تجھے حمد ہے خدایا
Main teri ata ke sadqe main nisaar is karam par
Mujhe apna ghar dikhaya tujhe hamd hai khudaya
تری نعمتوں پہ مولا ترا شکر کرتے کرتے
ترے در پہ سر جھکایا تجھے حمد ہے خدایا
Teri n'ematon pe Maula tera shukr karte karte
Tere dar pe sir jhukaya tujhe hamd hai khudaya
تری ناز کی بھی ہوتی تری ذات تک رسائی
یہی دل میں ہے سمایا تجھے حمد ہے خدایا
Teri naaz ki bhi hoti teri zaat tak rasai
Yahi dil main hai samaya tujhe hamd hai khudaya
Share This Naat
Share with friends and family
اے کریم ناتواں پر تری رحمتوں کا سایہ
صفیہ ناز