اس کو لطف و آگہی کا اِک نگر لکھا گیا
صبح صادق کی چمکتی لوح پر لکھا گیا
Is ko lutf-o-aagahee ka ik nagar likha gaya
Subah sadiq ki chamakti loh par likha gaya
ایک لافانی کتابِ نُور کے اَوراق پر
ایک لافانی حقیقت کو بشر لکھا گیا
Ek lafani kitaab-e-noor ke awraq par
Ek lafani haqeeqat ko bashar likha gaya
وہ جو منزل تھی اُسے سمجھا گیا ہے راستہ
جیسے اِک پیغام کو پیغامبر لکھا گیا
Woh jo manzil thi usay samjha gaya hai raasta
Jaise ik payghaam ko payghambar likha gaya
یُوں تو اُس کے حُسن کی تفسیر لمبی تھی مگر
مختصر ذہنوں کی خاطر مختصر لکھا گیا
Yun to us ke husn ki tafseer lambi thi magar
Mukhtasir zehno ki khatir mukhtasir likha gaya
کلمۂ توحید کی صورت جبینِ وقت پر
اِس کا اِک اِک حرف کتنا سوچ کر لکھا گیا
Kalma-e-tauheed ki soorat jabeen-e-waqt par
Is ka ik ik harf kitna soch kar likha gaya
انجؔم اُس کے عہد کو پھیلا کے ہر اک عہد پر
اُس کی مٹھی میں بہت لمبا سفر لکھا گیا
Anjum us ke ehed ko phaila ke har ik ehed par
Us ki muthhi mein bohat lamba safar likha gaya
Share This Naat
Share with friends and family
اس کو لطف و آگہی کا اِک نگر لکھا گیا
انجم نیازی