اُسی نے نقش جمائے ہیں لالہ زاروں پر
اُسی کے نُور کی مہریں ہیں چاند تاروں پر
Usi ne naqsh jamaye hain lala zaroon par
Usi ke noor ki mehrain hain chand taroon par
اُسی سے پھُول کھلے سطحِ ریگ پر کیا کیا
بہار ٹُوٹ کے آئی ہے ریگ زاروں پر
Usi se phool khile satah-e-reg par kya kya
Bahar toot ke aayi hai reg zaroon par
درُود اُس پہ گُلوں کا، سلام کلیوں کا
وہ جِس کے حُسن کا احسان ہے بہاروں پر
Darood us pe guloon ka, salam kaliyon ka
Woh jis ke husn ka ehsan hai baharon par
مَیں ارضِ طیبہ ازل سے ہُوں طالبِ دیدار
مِری نگاہ کا حق ہے تیرے نظاروں پر
Main arz-e-taybah azal se hoon talib-e-deedar
Meri nigah ka haq hai tere nazaroon par
کبھی جو وحی کے انوار سے چمکتے تھے
سلام نوعِ بشر کا ہو، اُن مناروں پر
Kabhi jo wahi ke anwaar se chamakte the
Salam no-e-bashar ka ho, un manaroon par
بہت ادب سے بہت احتیاط سے چلنا
کبھی چلو جو مدینے کی رہگزاروں پر
Bohat adab se bohat ehtiyat se chalna
Kabhi chalo jo Madine ki rahgzaroon par
مِرا نظامِ طبیعت، مرا اصولِ حیات
نظر جمائے ہُوئے ہیں ترے اشاروں پر
Mera nizam-e-tabiat, mera usool-e-hayat
Nazar jamaye huwe hain tere isharoon par
تبھی تھمیں گے مرے اشک جب وہ چاہیں گے
کہاں ہے میرا تصرّف اِن آبشاروں پر
Tabhi thamenge mere ashk jab woh chahenge
Kahan hai mera tasaruf in aabsharoon par
اُسی کا فیضِ نظر ہیں یہ عظمتیں عاصؔی
کہ بادشاہوں کا دھوکا ہے خاکساروں پر
Usi ka faiz-e-nazar hain ye azmatein Aasi
Ke badshahon ka dhoka hai khaaksaaroon par
Share This Naat
Share with friends and family
اُسی نے نقش جمائے ہیں لالہ زاروں پر
عاصی کرنالی