طلوعِ صبح کا عنوان ہے علی اکبر
شبیہِ صاحبِ قرآن ہے علی اکبر
Tulu-e-subah ka unwan hai Ali Akbar
Shabih-e-sahib-e-Quran hai Ali Akbar
مہک رہا ہے گلستانِ آلِ سرور میں
وہ باغِ نور کا ریحان ہے علی اکبر
Mehek raha hai gulistan-e-aal-e-Sarwar mein
Wo bagh-e-noor ka Rehan hai Ali Akbar
بوجہِ عکسِ محمد، بوجہِ خونِ علی
جہانِ حسن کا سلطان ہے علی اکبر
Boja-e-aks-e-Muhammad, boja-e-khoon-e-Ali
Jahan-e-husn ka sultan hai Ali Akbar
حسین ابنِ علی کا یہ لاڈلا بیٹا
کریم ذات کا احسان ہے علی اکبر
Hussain ibn-e-Ali ka yeh laadla beta
Kareem zaat ka ehsan hai Ali Akbar
حسینِ پاک، علی، فاطمہ کے دل کا سکوں
امینِ الفتِ خاصان ہے علی اکبر
Hussain-e-pak, Ali, Fatima ke dil ka sakoon
Ameen-e-ulfat-e-khassan hai Ali Akbar
خدا کے دین پہ ہو کر فدا لڑکپن میں
حریمِ خلد کا مہمان ہے علی اکبر
Khuda ke deen pe ho kar fida larkpan mein
Hareem-e-khuld ka mehman hai Ali Akbar
ملا ہے جس کے مناقب سے روشنی کا وفور
وہ آلِ نور کا ذیشان ہے علی اکبر
Mila hai jis ke manaqib se roshani ka wafoor
Wo aal-e-noor ka zeshan hai Ali Akbar
Share This Naat
Share with friends and family
طلوعِ صبح کا عنوان ہے علی اکبر
اشفاق احمد غوری