حق ادا نعت کا اے راحتِ جاں کیسے ہو
کیسے ممکن ہے یہ اے جانِ جہاں کیسے ہو
Haq ada naat ka ae raahat-e-jaan kaisay ho
Kaisay mumkin hai ye ae jaan-e-jahaan kaisay ho
نطق ہے عاجز و لاچار زباں لرزیدہ
یا نبیؐ آپؐ کی توصیف بیاں کیسے ہو
Nutq hai aajiz o laachaar zabaan larzeeda
Ya Nabiؐ aapؐ ki toseeh bayaan kaisay ho
جب تلک دل پہ نہ اُتریں تریؐ یادوں کے قمر
ظلمتِ شب پہ اُجالوں کا گماں کیسے ہو
Jab talak dil pe na utren teriؐ yaadon ke qamar
Zulmat-e-shab pe ujaalon ka gumaan kaisay ho
جن کے زخموں پہ لگا اُنؐ کا لعابِ شیریں
اُن کے زخموں کا کوئی نام و نشاں کیسے ہو
Jin ke zakhmon pe laga unؐ ka lueab-e-sheereen
Un ke zakhmon ka koi naam o nishaan kaisay ho
بھول جاؤں گا سبھی رنج و الم دُنیا کے
آپؐ اگر پوچھ لیں اشفاقؔ میاں کیسے ہو؟
Bhool jaon ga sabhi ranj o alam duniya ke
Aapؐ agar poochh len Ashfaqؔ miyaan kaisay ho?
Share This Naat
Share with friends and family
حق ادا نعت کا اے راحتِ جاں کیسے ہو
اشفاق احمد غوری