راہِ نبیؐ میں ذوقِ وفا میرے ساتھ ہے
ہر لمحہ بے خودی میں خدا میرے ساتھ ہے
Rah-e-Nabi (ﷺ) mein zouq-e-wafa mere sath hai
Har lamha be khudi mein Khuda mere sath hai
بخشش کا وعدہ اُن کا جو تھا، میرے ساتھ ہے
لُطفِ شفیعِؐ روزِ جزا میرے ساتھ ہے
Bakhshish ka wada unka jo tha, mere sath hai
Lutf-e-Shafi-e (ﷺ) roz-e-jaza mere sath hai
تنہائیوں کا غم نہیں طیبہ کی راہ میں
مانندِ سایہ، راہ نما میرے ساتھ ہے
Tanhaiyon ka gham nahi Taiba ki raah mein
Manind-e-saaya, rah numa mere sath hai
اب اور اِس جہان میں کیا چاہیے مجھے
میرے بڑوں کی نیک دُعا میرے ساتھ ہے
Ab aur is jahan mein kya chahiye mujhe
Mere badon ki naik dua mere sath hai
بے فکر زندگی کا سفر کر رہا ہُوں مَیں
ہر گام پر کسی کی عطا میرے ساتھ ہے
Be fikr zindagi ka safar kar raha hoon main
Har gaam par kisi ki ata mere sath hai
دل باوجودِ گردشِ دوراں ہے مطمئن
دن رات عشقِ آلِؓ عبا میرے ساتھ ہے
Dil bawajood-e-gardish-e-douran hai mutma'in
Din raat ishq-e-Aal-e (ؓ) Aba mere sath hai
اُڑتا پھروں گا روضۂ اقدس کے آس پاس
اُس دامنِ کرم کی ہَوا میرے ساتھ ہے
Urdta phirun ga roz-e-aqdas ke aas paas
Us daman-e-karam ki hawa mere sath hai
یاد خدا و ذِکر نبیؐ، فکرِ آخرت
راہِ سفر میں صدق و صفا میرے ساتھ ہے
Yaad Khuda o zikar-e-Nabi (ﷺ), fikr-e-akhirat
Raah-e-safar mein sidq o safa mere sath hai
تنہا نہیں ہُوں اُن کی لگن میں کسی گھڑی
ہر وقت میرے دل کی صدا میرے ساتھ ہے
Tanha nahi hoon un ki lagan mein kisi ghari
Har waqt mere dil ki sada mere sath hai
سارا جہاں بھی درپئے آزاد ہو تو ہو
کچھ غم نہیں نصیرؔ خدا میرے ساتھ ہے
Sara jahan bhi darpe azaad ho to ho
Kuch gham nahi Naseer (ؔ) Khuda mere sath hai
Share This Naat
Share with friends and family
راہِ نبیؐ میں ذوقِ وفا میرے ساتھ ہے
سید نصیرالدیں نصیر