تھم گیا عالمِ دنیا کا چلن پل بھر میں
عازمِ عرش ہوئے شاہِ زمن پل بھر میں
Tham gaya alam-e-dunya ka chalan pal bhar mein
Aazim-e-arsh hue shah-e-zaman pal bhar mein
جلوۂ شاہ میسر ہو لحد میں جس دم
آنکھ بن جائے مرا سارا بدن پل بھر میں
Jalwa-e-shah mayassar ho lahd mein jis dam
Aankh ban jaye mera saara badan pal bhar mein
وہ بھی اوصاف محمد کے بیاں کرتا ہے
جس نے تخلیق کئے کوہ و دمن پل بھر میں
Woh bhi oasaf-e-muhammad ke bayan karta hai
Jis ne takhleek kiye koh o daman pal bhar mein
جیسے ہی نعت مری نوکِ زباں پر آئی
ہو گئی رحمتِ حق سایہ فگن پل بھر میں
Jaise hi naat meri nok-e-zuban par aayi
Ho gayi rehmat-e-haq saaya fagan pal bhar mein
صحنِ گلشن میں گئی بادِ ربیعِ اول
بڑھ گئی نرگس و لالہ کی پھبن پل بھر میں
Sahn-e-gulshan mein gayi baad-e-rabee'-e-awwal
Barh gayi nargis o lala ki phaban pal bhar mein
خارِ صحرائے عرب میں تھی لطافت ایسی
ہو گئے اس پہ فدا سارے چمن پل بھر میں
Khaar-e-sehra-e-arab mein thi latafat aisi
Ho gaye is pe fida sare chaman pal bhar mein
تذکرہ کوئے منور کا کیا زائر نے
جاگ اٹھی دل میں حضوری کی لگن پل بھر میں
Tazkara kooe munawwar ka kiya zair ne
Jaag uthi dil mein hazoori ki lagan pal bhar mein
نطق نے جب بھی کیا اسمِ محمد کا طواف
مشکبو ہو گیا اشفاق دہن پل بھر میں
Nutq ne jab bhi kiya ism-e-muhammad ka tawaf
Mashkboo ho gaya Ashfaq dahan pal bhar mein
Share This Naat
Share with friends and family
تھم گیا عالمِ دنیا کا چلن پل بھر میں
اشفاق احمد غوری