Manqabat
تیرے دَر پر مَیں آیا ہُوں خواجہؒ
تیرے دَر پر مَیں آیا ہُوں خواجہؒ ، میرا تجھ بِن سہارا نہیں ہے
تیرے دیدار کی آرزوہے، اور کوئی تمنّا نہیں ہے
Tere dAr par main aya hoon khawajaؒ, mera tujh bin sahara nahin hai
Tere deedAr ki aarzuhai, aur koi tamanna nahin hai
مَیں نے دیکھے حسینانِ عالَم ، کوئی تُم سا انوکھا نہیں ہے
جب سے دیکھی ہے صُورت تمہاری ، کوئی نظروں میں جچتا نہیں ہے
Main ne dekhe haseenan-e-aalam, koi tum sa anokha nahin hai
Jab se dekhi hai soorat tumhari, koi nazron mein jachta nahin hai
مَیں ترے دَر کا ہُوں اک سوالی ، کوئی ہے میرا وارث نہ والی
پھیرنا دَر سے سائل کو خالی ، یہ کریموں کا شیوا نہیں ہے
Main tere dAr ka hoon ek sawali, koi hai mera waris na wali
Pherna dAr se sail ko khali, ye kareemon ka shiwa nahin hai
اِن گداؤں کا کیا ، یہ گدا ہیں ، شاہ بھی تیرے دَر پر فدا ہیں
فیض جس پر نہ ہو تیرا خواجہؒ کوئی دُنیا میں ایسا نہیں ہے
In gadaon ka kya, ye gada hain, shah bhi tere dAr par fida hain
Faiz jis par na ho tera khawajaؒ koi duniya mein aisa nahin hai
کیوں دُوئی کا یہاں ہو گُماں بھی ، ہے بہارِ مدینہ یہاں بھی
دیکھ لے شہرِ خواجہؒ کی گلیاں ، جس نے طیبہ کو دیکھا نہیں ہے
Kyoon doo’i ka yahan ho gamaan bhi, hai bahar-e-madina yahan bhi
Dekh le shehr-e-khawajaؒ ki galiyaan, jis ne tayyaba ko dekha nahin hai
اُن کی آمد کا ہُوں انتظاری ، جان و دل سے ہُوں اُن پر مَیں واری
لے اجل ! آئی اُن کی سواری ، یہ حقیقت ہے ، دھوکا نہیں ہے
Un ki amad ka hoon intezaari, jaan o dil se hoon un par main wari
Le ajal! aayi un ki sawari, ye haqeeqat hai, dhoka nahin hai
اک کرشمہ ہے اُن کی نظر میں ، اک کشش چشم، جادُو اثر میں
دیکھ لے جو بھی اک بار اُن کو، اُس کو پھر چین مِلتا نہیں ہے
Ek karishma hai un ki nazar mein, ek kashish chashm, jadoo asar mein
Dekh le jo bhi ek baar un ko, us ko phir chain milta nahin hai
منتظر اِن کی رحمت کے رہیئے ، فیضِ رُوحانیاں اِس کو کہیئے
مانگ کر یہ بھی دیتے ہیں رب سے ، یہ عنایت ہے ، سودا نہیں ہے
Muntazir in ki rehmat ke rahiye, faiz-e-roohaniya is ko kahiye
Maang kar ye bhi dete hain Rab se, ye inayat hai, sauda nahin hai
میرے خواجہؒ کا یہ آستاں ہے ، بٹ رہا ہے محمدؐ کا صدقہ
کوئی دامن تو پھیلا کر دیکھے، کون کہتا ہے ، مِلتا نہیں ہے
Mere khawajaؒ ka ye aastan hai, batt raha hai Muhammadؐ ka sadqa
Koi daman to phela kar dekhe, kaun kehta hai, milta nahin hai
کیا خبر تجھ کو کیا ہے عقیدت ، جان لیوا ہے رسمِ محبّت
یار کے نام پر سَر کٹانا ، عاشقی ہے ، تماشا نہیں ہے
Kya khabar tujh ko kya hai aqeedat, jaan lewa hai rasm-e-mohabbat
Yaar ke naam par sar katana, aashiqui hai, tamasha nahin hai
جام و ساغر تو اپنی جگہ ہیں ، پینے والے سمجھتے ہی کیا ہیں
جس کو وہ اک نظر سے پلا دیں ، اُس کو پھر ہوش آتا نہیں ہے
Jaam o saghar to apni jagah hain, peene wale samajhte hi kya hain
Jis ko woh ek nazar se pila dein, us ko phir hosh aata nahin hai
دل سے مَیں نے دُعا کی ہے اکثر ، زیست کٹ جائے خواجہؒ کے دَر پر
دُور ہُوں ، ہائے میرا مقدّر ، میری قسمت مَیں ایسا نہیں ہے
Dil se main ne dua ki hai aksar, zeest kat jaye khawajaؒ ke dAr par
Door hoon, haaye mera muqaddar, meri qismat main aisa nahin hai
میرا حصّہ یہیں ہے ازل سے ، کس لیے میں کہیں اور جاؤں
میرے خواجہؒ کی چوکھٹ سلامت، اِس درِ پاک پر کیا نہیں ہے
Mera hissa yehi hai azal se, kis liye main kahin aur jaoon
Mere khawajaؒ ki chaukhat salamat, is dar-e-paak par kya nahin hai
پی لیا جامِ توحید مَیں نے ، یہ کرم ہے نصیؔر اِن کے دَر کا
مانگنے غیر کے دَر پہ جانا، میری غیرت نے سیکھا نہیں ہے
Pi liya jaam-e-tauheed main ne, ye karam hai Naseer in ke dAr ka
Maangne ghair ke dAr pe jaana, meri ghairat ne seekha nahin hai
Share This Naat
Share with friends and family
تیرے دَر پر مَیں آیا ہُوں خواجہؒ
سید نصیرالدیں نصیر