آئنہ خانے اُسے عکسِ جلی کہتے ہیں
لہجہء عِشق میں ولیوں کا ولی کہتے ہیں
Aaeena khane use aks-e-jali kehte hain
Lehja-e-ishq mein waliyon ka wali kehte hain
دُور تک پھیلی ہے تاریخ میں اُس کی خوشبُو
اُس کی بینائی کے شعلے کو کلی کہتے ہیں
Door tak pheli hai tareekh mein us ki khushbu
Us ki benaai ke sholay ko kali kehte hain
زہے تقدیر کہ اُس کا وہ مُعلِّم ٹھہرا
جس کی پرچھائیں کو نُورِ ازلی کہتے ہیں
Zahe taqdeer ke us ka wo muallim thehra
Jis ki parchhain ko noor-e-azali kehte hain
عِلم کے شہر کا دروازہ لقب ہے اُس کا
اُس کی ہر سانّس کو حِکمت کی گلی کہتے ہیں
Ilm ke shehar ka darwaza laqab hai us ka
Us ki har saans ko hikmat ki gali kehte hain
حرف حرف اُس کو پڑھا مَیں نے تو معلوم ہُوا
لُغتِ دینِ مُحمّدؐ کو علی کہتے ہیں
Harf harf usko parha main ne to maloom hua
Lughat-e-deen-e-Muhammad (SAW) ko Ali kehte hain
Share This Naat
Share with friends and family
آئنہ خانے اُسے عکسِ جلی کہتے ہیں
مظفر وارثی