تری بات بات ہے معجزہ ترا لمحہ لمحہ مثال ہے
میں فقیرِ مرگ و حیات ہوں تری اک نظر کا سوال ہے
Teri baat baat hai mojza tera lamha lamha misaal hai
Main faqir e marg o hayat hoon teri ik nazar ka sawal hai
تری زندگی بھی عجیب ہے تو امیر ہے کہ غریب ہے
ترا پائے ناز ہے عرش پر ترے بازوؤں میں کدال ہے
Teri zindagi bhi ajeeb hai tu amir hai ke ghareeb hai
Tera paaye naz hai arsh par tere baazuon mein kadal hai
ترا سکّہ بن کے چلا کروں تری خیر پر میں پلا کروں
ترا عشق ہے مرا مال و زر ٗ مرا رزق تیرا خیال ہے
Tera sikka ban ke chala karoon teri khair par main pila karoon
Tera ishq hai mera maal o zar, mera rizq tera khayaal hai
ترا علم علم کی انتہا تری عقل عقل سے ماورا
تو ہے صدر محفلِ انبیاء ترا دین دین کمال ہے
Tera ilm ilm ki inteha teri aql aql se mawara
Tu hai sadr mehfil e anbiya tera deen deen kamal hai
تو بلندیوں سے بلند تر تو بشر ہے ہم سا نہیں مگر
تری رہگزر بھی ہے آسماں ترا نقش پا بھی ہلال ہے
Tu bulandiyon se buland tar tu bashar hai hum sa nahin magar
Teri rehguzar bhi hai aasmaan tera naqsh e pa bhi hilaal hai
تجھے دیکھ دیکھ کے میں جیوں تجھے تھام تھام کے میں چلوں
تو ہے آئنہ میں ہوں حیرتیں ٗ میں نگاہ ہوں تو جمال ہے
Tujhe dekh dekh ke main jiyoon tujhe thaam thaam ke main chaloon
Tu hai aaina main hoon hairatein, main nigah hoon tu jamaal hai
مجھے روزِ حشر کا غم نہیں تری اک نگاہ بھی کم نہیں
تو ہی سر پرست شروع ہے تو ہی اعتبار مآل ہے
Mujhe roz e hashr ka gham nahin teri ik nigah bhi kam nahin
Tu hi sirparast shuroo hai tu hi aitbaar ma'al hai
Share This Naat
Share with friends and family
تری بات بات ہے معجزہ
مظفر وارثی