تری رحمت پہ ہے اپنا گزارا یا رسول اللّٰہ
تری رحمت ہی ہے اپنا سہارا یا رسول اللّٰہ
Teri rehmat pe hai apna guzara ya Rasool Allah
Teri rehmat hi hai apna sahara ya Rasool Allah
ہوائیں پھر مخالف ہیں ہمارے پاک پرچم کی
کبھی نیچا نہ ہو پرچم ہمارا یا رسول اللّٰہ
Hawaen phir mukhalif hain hamare pak parcham ki
Kabhi neecha na ho parcham hamara ya Rasool Allah
تلاطم خیز موجوں میں گھرا اپنا سفینہ ہے
کرم فرمائیں مل جائے کنارا یا رسول اللّٰہ
Talatam khez maujon mein ghira apna safeena hai
Karam farmaen mil jaye kinara ya Rasool Allah
برے بھی ہیں بھلے بھی ہیں مگر ہیں تو شہا تیرے
تجھی کو ہی تو مشکل میں پکارا یا رسول اللّٰہ
Bure bhi hain bhale bhi hain magar hain to sheha tere
Tujhi ko hi to mushkil mein pukara ya Rasool Allah
شہیدوں کی یہ دھرتی ہے وطن ہے سرفروشوں کا
تری نسبت نے ہر ذرّہ سنوارا یا رسول اللّٰہ
Shaheedon ki ye dharti hai watan hai sarfroshon ka
Teri nisbat ne har zarra sawara ya Rasool Allah
ترے دیں کی حفاظت کے لیے جانیں لٹا دیں گے
یہی ہے عزم اور وعدہ ہمارا یا رسول اللّٰہ
Tere deen ki hifazat ke liye janen luta denge
Yehi hai azm aur wadah hamara ya Rasool Allah
شجاعت استقامت میں ، بسالت اور ہمّت میں
دکھا دیں پھر ذرا بدری نظارا یا رسول اللّٰہ
Shujaat isteqamat mein, basal-at aur himmat mein
Dikha dein phir zara badri nazara ya Rasool Allah
عطا ہو زورِ حیدر بھی ہمیں نانِ جویں میں پھر
نہیں تیرے سوا کوئی سہارا یا رسول اللّٰہ
Ata ho zor-e-Haider bhi humein nan-e-joein mein phir
Nahi tere siwa koi sahara ya Rasool Allah
بنامِ سیّدہ زہرا غلاموں کی خبر لیجے
کرم کی اک نظر کیجے خدا را یا رسول اللّٰہ
Banam-e-Sayyida Zahra ghulamon ki khabar lije
Karam ki ek nazar kije Khuda ra ya Rasool Allah
ترے حسنین کا نوکر ظفر بھی حاضرِ در ہے
لیے فریاد ہونٹوں پر بیچارا یا رسول اللّٰہ
Tere Hasnain ka naukar Zafar bhi hazir-e-dar hai
Liye faryaad honton par bechara ya Rasool Allah
Share This Naat
Share with friends and family
تری رحمت پہ ہے اپنا گزارا یا رسول اللّٰہ
محمد ظفراقبال نوری